- «Ёгюз, джаргъа джууукъ барма, меннге джюк боллукъса», - дегенди эшек.
- Адамны аты башхача, акъылы да башхады.
- Ёзденликни джайгъан – джокълукъ.
- Урунуу – насыбны анасы.
- Тешик этген тынчды, аны джамагъан къыйынды.
- Адамны сыфатына къарама, сёзюне къара.
- Олтуруб кёрюнмей эди да, ёрге туруб кёрюне эди.
- Тамчы таш тешер.
- Сёз – кюмюш, джыр – алтын.
- Намысы болмагъанны, сыйы болмаз.
- Джаным-тиним – окъуу, билим.
- Суугъа – чабакъ, къаягъа – ыргъакъ.
- Башсыз урчукъ тюзюне айланмаз.
- Хар адамгъа кеси миннген тау кибик.
- Юйлю уругъа ит чабмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Асхат ашлыкъ сата, юйдегиси ачдан къата.
- Акъыл сабырлыкъ берир.
- Биреуге аманлыкъны тилеме да, кесинге ашхылыкъны тиле.
- Кюл тюбюндеги от кёрюнмейди.
- Таула не мийик болсала да, аууш табылыр.
- Аман адамны тепсинге олтуртсанг, къызынгы тилер.
- Аман адам элни бир-бирине джау этер.
- Тура эдим джата, къайдан чыкъды хата?
- Бир абыннган – минг сюрюнюр.
- Азыгъы аз, алгъа къабар, аты аман, алгъа чабар.
- Тёрдеги кюлсе, эшикдеги ышарыр.
- Чомартха Тейри да борчлуду.
- Хоншуну тауугъу къаз кёрюнюр, келини къыз кёрюнюр.
- Къарын къуру болса, джюрек уру болур.
- Тау башында, тау болмаз, джангыз терек, бау болмаз.
- Аз сёлешген, къайгъысыз турур.
- Азыкъ аз болса, эртде орун сал.
- Сабийни джумушха джибер да, ызындан бар.
- Къан бла кирген, джан бла чыгъар.
- Ашарыкъда сайлагъаннга – чий гырджын.
- Суугъа – таянма, джаугъа – ийнанма.
- Ойнаб айтсанг да, эслеб айт.
- Джылар джаш, атасыны сакъалы бла ойнар.
- Билимден уллу байлыкъ джокъду.
- Берекет берсин деген джерде, берекет болур.
- Аджашханны ызындагъы кёреди, джангылгъанны джанындагъы биледи.
- Сабыр джетер муратха, сабырсыз къалыр уятха.
- Бек ашыкъгъан меннге джетсин, дегенди аракъы.
- Сютню башын джалагъан къутулур, тюбюн ичген тутулур.
- Адамгъа аман кюн соруб келмейди.
- Сибиртки да сыйлы болду, кюрек да кюнлю болду.
- Агъач халкъгъа алтынды, иссиликге салкъынды.
- Билген билмегенни юретген адетди.
- Мухарны эси – ашарыкъда.
Профиль
|
|
|
|||