- Уллу сёзде уят джокъ.
- Чомарт къолда мал къалмаз.
- Къыз тиширыу кеси юйюнде да къонакъды.
- Шайтан алдады, тюзлюк къаргъады.
- Ач къалгъандан, кеч къалгъан къолай.
- Айыбны суу бла джууалмазса.
- Джырчы ёлсе, джыры къалыр.
- Къатын къылыкъсыз, эр тынчлыкъсыз.
- Адебсиз адам – джюгенсиз ат.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Байны къызы баймакъ болса да, юйде къалмаз!
- Юре билмеген ит, къонакъ келтирир.
- Ашатыргъа иш – ашхы, ишлетирге аш – ашхы.
- Кёзню ачылгъаны – иги, ауузну джабылгъаны – иги.
- Ат да турмайды бир териде.
- Онгсузну – джакъла, тенгликни – сакъла.
- Таула не мийик болсала да, аууш табылыр.
- Сабий болмагъан джерде, мёлек болмаз.
- Артына баргъанны, къатына барма.
- Чакъырылгъанны аты, чакъырылмагъанны багъасы болур.
- Кёб джат да, бек чаб.
- Къолу уллу – асыу, аягъы уллу – джарсыу.
- Этни да ашады, бетни да ашады.
- Ауузу аманнга «иги», деме.
- Адамны аманы адамны бети бла ойнар.
- Ёзденликни кёбю ётюрюк.
- Джарлыны тону джаз битер.
- Кёб ант этген, кёб ётюрюк айтыр.
- Сакъалы текени да бар, мыйыгъы киштикни да бар.
- Кюн кёрмеген, кюн кёрсе, кюндюз чыракъ джандырыр.
- Садакъачыны джаны – къапчыгъында.
- Илму – джашауну джолу.
- «Ма», - дегенни билмесенг, «бер», - дегенни билмезсе.
- Алгъанда – джууукъ, бергенде – джау.
- Аманны къуугъан, аманлыкъ табар.
- Игини сыйлагъан адетди.
- Аман эсирсе, юйюн ояр.
- Къарнынг тойгъунчу аша да, белинг талгъынчы ишле.
- Таш ата билмеген, башына урур.
- Эки итни арасына сюек атма, эки адамны арасында сёз чыгъарма.
- Эл ауузу – элек, анга ийнаннган – халек.
- Кенгеш болса, уруш болмаз.
- Ана – юйню кюн джарыгъы.
- Бермеген къол, алмайды.
- Джылыгъа джылан илешир.
- Ашыкъгъанны этеги бутуна чырмалыр.
- Сибиртки да сыйлы болду, кюрек да кюнлю болду.
- Къызны минг тилер, бир алыр.
- Накъырда – кертини келечиси.
- Бёрю да ач къалмасын, эчки да ашалмасын.
Профиль
|
|
|
|||