- Ата Джуртча джер болмаз, туугъан элча эл болмаз.
- Сагъыш – къартлыкъгъа сюйюмчю.
- Халкъгъа джарагъан, джарлы къалмаз.
- Туз, гырджын аша, тюзлюк бла джаша.
- Таякъ этден ётер, тил сюекден ётер.
- Бет бетге къараса, бет да джерге къарар.
- Джуртун къоругъан озар.
- Ханнга да келеди хариблик.
- Акъыл неден да кючлюдю.
- Хантына кёре тузу, юйюне кёре къызы.
- Тойгъа алгъа да барма, тойда артха да къалма.
- Къыз тиширыу кеси юйюнде да къонакъды.
- Уруну арты – къуру.
- Намыс болмагъан джерде, насыб болмаз.
- Аджашхан тёгерек айланыр.
- Къызын тута билмеген, тул этер, джашын тута билмеген, къул этер.
- Эли джокъну – кёлю джокъ.
- Кёрмегеннге кебек – танг, битмегеннге сакъал – танг.
- Бойнуму джети джерден кессенг да, мен ол ишни этеллик тюлме.
- Тил – миллетни джаны.
- Алим болгъандан эсе, адам болгъан къыйынды.
- Уллу суу бла уллу ауруудан башынгы сакъла.
- Билмезни кёзю кёрмез, этмезни къулагъы эшитмез.
- Дуния мал дунияда къалады.
- Джарлыны эшигин махтагъан джабар.
- Зар адам ашынгы ашар, кесинги сатар.
- Кёз – сюйген джерде, къол – ауругъан джерде.
- Рысхысына кёре, джаш ёсер, къышлыгъына кёре, мал ёсер.
- Ышармагъан – кюлмез, кюлмеген – къууанчны билмез.
- Тин – байлыгъынг, терен саулугъунг.
- Кёлсюзден сёзсюз тууар.
- Кюл тюбюндеги от кёрюнмейди.
- Къарыусузгъа кюлме, онгсузгъа тийме.
- Тёзгеннге, джабылгъан эшик ачылыр.
- Бек анасы джыламаз.
- Минг тенг да азды, бир джау да кёбдю.
- Тау башында, тау болмаз, джангыз терек, бау болмаз.
- Кёзю сокъурдан – къоркъма, кёлю сокъурдан – къоркъ.
- Эрине къаргъыш этген къатын, эрнин къабар.
- Aдам боллукъ, сыфатындан белгили.
- Кесине гебен этелмеген, биреуге черен эте эди.
- Адам боллукъ, атламындан белгили болур.
- Арыгъан къош чамчы болур.
- Башланнган иш битер, къымылдагъан тиш тюшер.
- Джогъун бар этген, барын бал этген.
- Ауузу бла къуш тута айланады.
- Сибиртки да сыйлы болду, кюрек да кюнлю болду.
- Таукел тауну аудурур.
- Шекер бла туз – бир болмаз, ушамагъан – юй болмаз.
- Аманнга да, игиге да оноусуз къатышма.
Профиль
|
|
|
|||