- Узун джолну барсанг, бюгюн келирсе, къысха джолну барсанг, тамбла келирсе.
- Ач да бол, токъ да бол – намысынга бек бол.
- Ауузу аманнга «иги», деме.
- Джюрек кёзден алгъа кёрюр.
- Кёлю джокъну – джолу джокъ.
- Тай асырагъан, атха минер.
- Ашыкъгъанны этеги бутуна чырмалыр.
- Эл ауузу – элия.
- Эки къатын алгъанны къулагъы тынгнгаймаз.
- Тилсиз миллет джокъ болур.
- Акъылсызны джууукъгъа алма, акъыллыны кенгнге салма.
- Билмейме деген – бир сёз
- Ёмюрлюк шохлукъну джел элтмез.
- Эрине къаргъыш этген къатын, эрнин къабар.
- Айранын берсенг, челегин да къызгъанма.
- Магъанасыз сёз – тауушсуз сыбызгъы.
- Айранны сюйген, ийнек тутар.
- Билими азны – ауузунда кирит.
- Тёзгеннге, джабылгъан эшик ачылыр.
- Атынг аманнга чыкъгъандан эсе, джанынг тамагъынгдан чыкъсын.
- Дуния аламаты сен эсенг да, игиме деб айтма.
- Тёзген – тёш ашар!
- Эринчекни аурууу – кёб.
- Айраннга суу къош, телиге джол бош.
- Ётюрюкден тюбю джокъ, кёлтюрюрге джиби джокъ.
- Бюгюн дуния кибик, тамбла ахыратды.
- Къыйынлы джети элни къайгъысын этер.
- Ариу джол аджал келтирмез.
- Чабакъ башындан чирийди.
- Ёлмесенг да, къарт дамы болмазса?
- Кёрмегеннге кебек – танг, битмегеннге сакъал – танг.
- Юй кюйдю да, кюйюз чыкъды, ортасындан тюйюш чыкъды.
- Кёзю сокъурдан – къоркъма, кёлю сокъурдан – къоркъ.
- Байлыкъ келсе, акъыл кетер.
- Айтхан – тынч, этген – къыйын.
- Сыфатында болмагъаны, суратында болмаз.
- Къыз келсе, джумуш эте келеди, къатын келсе, ушакъ эте келеди.
- Джюрекге ариу – кёзге да ариу.
- Тели турса – той бузар.
- Кёл – къызбай, къол – батыр.
- Терслик кетер, тюзлюк джетер.
- Тил бла келеди джыр да.
- Хар ишни да аллы къыйынды.
- Тюзлюк тас болмайды.
- Кёзден кетген, кёлден да кетеди.
- Тёрдеги кюлсе, эшикдеги ышарыр.
- Ашына кёре табагъы, балына кёре къалагъы.
- Джашынгы кесинг юретмесенг, джашау юретир.
- Аякъларынгы джууургъанынга кёре узат.
- Хар адамгъа кеси миннген тау кибик.
Профиль
|
|
|
|||