- Тас болгъан бычакъны сабы – алтын.
- Айранны сюйген, ийнек тутар.
- Онгсузну – джакъла, тенгликни – сакъла.
- Чомартха хар кюн да байрамды.
- Иесиз малны бёрю ашар.
- Аман эсирсе, юйюн ояр.
- Уллу айтханны этмеген – уллаймаз.
- Артына баргъанны, къатына барма.
- Элиб деген, элге болушур.
- Билимли ёлмез, билимсиз кёрмез.
- Ёмюрлюк шохлукъну джел элтмез.
- Душманны тышы – акъ, ичи – къара.
- Ёлюк кебинсиз къалмаз.
- Ач къарынны, токъ билмез
- Джангызны оту джарыкъ джанмаз!
- Атадан ёксюз – бир ёксюз, анадан ёксюз – эки ёксюз.
- Эм уллу байлыкъ – джан саулукъ.
- Тилчиден кери бол.
- Оюмсуз атлагъан, аджалсыз ёлюр.
- Джыгъылгъанны сырты джерден тоймаз.
- Къайтырыкъ эшигинги, къаты уруб чыкъма.
- Телиге акъыл салгъандан эсе, ёлгеннге джан салырса.
- Агъач – джерни чырайы, кийим – эрни чырайы.
- Ач къарным, тынч къулагъым.
- Ёлген эшек бёрюден къоркъмайды.
- Чоюнну башы ачыкъ болса, итге уят керекди.
- Ёгюзню мюйюзюнден тутадыла, адамны сёзюнден тутадыла.
- Эркиши – от, тиширыу – суу.
- Аджашхан тёгерек айланыр.
- Тёрдеги кюлсе, эшикдеги ышарыр.
- Накъырда – кертини келечиси.
- Ач да бол, токъ да бол – намысынга бек бол.
- Къарнынг къанлынга кийирир.
- Айырылмаз джууугъунга, унутмаз сёзню айтма.
- Кёб джашагъан – кёб билир.
- Акъдан къара болмаз.
- Аджашханны ызындагъы кёреди, джангылгъанны джанындагъы биледи.
- Таукел къуру къалмаз.
- Ата – билек, ана – джюрек!
- Экеулен сёлеше тура эселе, орталарына барыб кирме.
- Экиндини кеч къылсанг, чабыб джетер ашхам.
- Джашлыкъ этмеген, башлыкъ этмез.
- Мадар болса, къадар болур.
- Къарнынг тойгъунчу аша да, белинг талгъынчы ишле.
- Намысы болмагъанны, сыйы болмаз.
- Джан саулукъ бермей, сан саулукъ бермезсе.
- Адеб джокъда, намыс джокъ.
- Джырына кёре эжиую.
- Айтхан – тынч, этген – къыйын.
- Къатын байлыкъны сюер, эр саулукъну сюер.
Профиль
|
|
|
|||