- Чёбню кёлтюрсенг, тюбюнден сёз чыгъар.
- Аманны эки битли тону болур, бирин сеннге кийдирир, бирин кеси киер.
- Тёгюлген тюгел джыйылмайды.
- Мураты болгъанны джюрек тебюую башхады.
- Ёгюзню мюйюзлери ауурлукъ этмейдиле.
- Акъдан къара болмаз.
- Джукъу тёшек сайламайды.
- Тилде сюек болмаса да, сюек сындырыр.
- Тойгъанлыкъ къойгъа джарашады.
- Тенгинг джокъ эсе – изле, бар эсе – сакъла!
- Къан бла кирген, джан бла чыгъар.
- Шапа кёб болса, аш татымсыз болур.
- Къарнынг ауруса, ауузунгу тый
- Бозанг болмагъан джерге, къалагъынгы сукъма.
- Окъумагъан сокъурду, сокъур ташха абыныр!
- Ойнай билмеген, уруб къачар.
- Иги адамны бир сёзю эки болмаз.
- Кечеси – аяз, кюню – къыш, джарлы къаргъагъа бир аш тюш!
- Чабар ат – джетген къыз.
- Ауругъан – джашаудан умутчу.
- Ауузу аманнга «иги», деме.
- Къонакъ кёб келюучю юйню, къазаны отдан тюшмез.
- Иги джашны ышаны – аз сёлешиб, кёб тынгылар.
- Харам къарнашдан, халал тенг ашхы.
- Этек чакъмакълары баш джаргъан, сёлешген сёзлери таш джаргъан.
- Дуния малгъа сатылма, кесингден телиге къатылма.
- Таукел тауну аудурур.
- Намысы джокъну – дуниясы джокъ.
- Хар зат кесини орнуна иги.
- Джеринден айырылгъан – джети джылар, джуртундан айырылгъан – ёлгюнчю джылар.
- Чомарт бергенин айтмаз.
- Аманнга игилик этсенг, юйюнге сау бармазса.
- Алтыннга тот къонмаз.
- Чомартха хар кюн да байрамды.
- Чакъырылмагъан къонакъ къачан кетерин сормаз.
- Арба аугъандан сора, джол кёргюзтюучю кёб болур.
- Ат да турмайды бир териде.
- Тай асырагъан, атха минер.
- Тынгылагъан тынгы бузар.
- Эки къатын алгъан – эки ташны ортасына башын салгъан.
- Тенги кёбню джау алмаз, акъылы кёбню дау алмаз.
- Ёлюр джаннга, ёкюл джокъ.
- Таукел къуру къалмаз.
- Байлыкъ тауусулур, билим тауусулмаз.
- Юйюнг бла джау болгъандан эсе, элинг бла джау бол.
- Бал ашаргъа сюе эсенг, чибин ургъаннга тёз.
- Ата Джуртуму башы болмасам да, босагъасында ташы болайым.
- Душманны тышы – акъ, ичи – къара.
- Ишленмеген джаш – джюгенсиз ат, ишленмеген къыз – тузсуз хант.
- Атадан ёксюз – бир ёксюз, анадан ёксюз – эки ёксюз.
Профиль
|
|
|
|||