- Къарт бла баш аша, джаш бла аякъ аша.
- Билим – акъылны чырагъы.
- Кёб джат да, бек чаб.
- Джукъу тёшек сайламайды.
- Тёзген – тёш ашар!
- Арыгъан къош чамчы болур.
- Джарлыны эшигин махтагъан джабар.
- Тилсиз миллет джокъ болур.
- Хата – гитчеден.
- Илму – джашауну джолу.
- Узун джолну барсанг, бюгюн келирсе, къысха джолну барсанг, тамбла келирсе.
- Бюгюн дуния кибик, тамбла ахыратды.
- Тенги кёбню джау алмаз, акъылы кёбню дау алмаз.
- Тил – миллетни джаны.
- Дууулдаса – бал чибин, къонса – къара чибин.
- Тойчу джашха къарама, къойчу джашха къара.
- Джаш къарыу бла кючлю, къарт акъыл бла кючлю.
- Ана къойну – балагъа джандет.
- Эринчекни эр алмаз, эр алса да, кёл салмаз, кёл салса да, кёб бармаз!
- Биреуню тёрюнден, кесинги эшик артынг игиди.
- Ашлыкъ – бюртюкден, джюн – тюкден.
- Къызгъанчдан ычхыныр, мухардан ычхынмаз.
- Сабий кёргенин унутмаз.
- Ауругъаннга – кийик саулукъ, джетген къызгъа – чилле джаулукъ.
- Мал кёб болса, джууукъ кёб болур.
- Нафысынгы айтханын этме, намысынгы айтханын эт.
- Сакъалы текени да бар, мыйыгъы киштикни да бар.
- Ачылгъан эт джабылыр, кёрген кёз унутмаз.
- Адамны артындан къара сабан сюрме.
- Билеги кючлю, бирни джыгъар, билими кючлю, мингни джыгъар.
- Адамны аманы адамны бети бла ойнар.
- Чомартха Тейри да борчлуду.
- Эм уллу байлыкъ – джан саулукъ.
- Аман къатын сабий табса, бий болур…
- Дуния аламаты сен эсенг да, игиме деб айтма.
- Эрни эр этерик да, къара джер этерик да, тиширыуду.
- Къонагъы джокъну – шоху джокъ.
- Эки элинги тыйсанг, джети элде махталырса.
- Хар адамгъа кеси миннген тау кибик.
- Окъумагъан сокъурду, сокъур ташха абыныр!
- Шекер бла туз – бир болмаз, ушамагъан – юй болмаз.
- Азыкълы ат арымаз, къатыны аман джарымаз.
- Эл ауузу – элек, анга ийнаннган – халек.
- Сакъламагъан затынга джолукъсанг, не бек къууанаса, не бек ачыйса.
- Ашха уста, юйюнде болсун
- Эски джаугъа ышанма.
- Рысхы джалгъанды: келген да этер, кетген да этер.
- Болджал ишни бёрю ашар.
- Агъач халкъгъа алтынды, иссиликге салкъынды.
- Кюн кёрмеген, кюн кёрсе, кюндюз чыракъ джандырыр.
Профиль
|
|
|
|||