- Аманны тукъумуна къарама, игини тукъумун сорма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Нёгерсизни джолу узун.
- Ханы къызы буюгъа-буюгъа киштик болду.
- Садакъачыны джаны – къапчыгъында.
- Хар сёзню орну барды.
- Алим болгъандан эсе, адам болгъан къыйынды.
- Ишлемеген – тишлемез.
- Тау башында, тау болмаз, джангыз терек, бау болмаз.
- Азыкъ аз болса, эртде орун сал.
- Шекер бла туз – бир болмаз, ушамагъан – юй болмаз.
- Алтыннга тот къонмаз.
- Тойну къарнашы – харс, джырны къарнашы – эжиу.
- Джол бла сёзню къыйыры джокъ.
- Болджал ишни бёрю ашар.
- Келинин тута билмеген, къул этер, къызын тута билмеген, тул этер.
- Эки къатын алгъан – эки ташны ортасына башын салгъан.
- Хантына кёре тузу, юйюне кёре къызы.
- Адебни адебсизден юрен.
- Адамны сабийин сюйген джюреги, бычакъча, джитиди.
- Тойгъа алгъа да барма, тойда артха да къалма.
- Башланнган иш битер, къымылдагъан тиш тюшер.
- Ата – билек, ана – джюрек!
- Кесинге джетмегенни, кёб сёлешме.
- Керек ташны ауурлугъу джокъ.
- Ётюрюкню къуйругъу – бир тутум.
- Бичгенде ашыкъма, тикгенде ашыкъ.
- Игиге айтсанг – билир, аманнга айтсанг – кюлюр.
- Эри аманны, къатыны – аман.
- Къаллай салам берсенг, аллай джууаб алырса.
- Къызгъанчдан ычхыныр, мухардан ычхынмаз.
- Джангыз торгъай джырламаз.
- Чалманны аллы къалай башланса, арты да алай барады.
- Ачлыкъда тары гырджын халыуадан татлы.
- Адамны аты башхача, акъылы да башхады.
- Билим ат болуб да чабар, къуш болуб да учар.
- Адам сёзге тынгыла, акъыл сёзню ангыла.
- Ариу сёз – джаннга азыкъ, аман сёз – башха къазыкъ.
- Сабий кёргенин унутмаз.
- Азыкълы ат арымаз, къатыны аман джарымаз.
- Сабийликде юретмесенг, уллу болса – тюзелмез.
- Чакъырылмагъан къонакъ тёрге атламаз.
- Джарлы тюеге минсе да, ит къабар.
- Сормай – алма, чакъырылмай – барма.
- Байлыкъдан саулукъ ашхыды.
- Ауузу бла къуш тута айланады.
- Хоншуну тауугъу къаз кёрюнюр, келини къыз кёрюнюр.
- Иги сеники эсе да, сюйген кесимикин этеме.
- Къарнынг бла ёч алма.
- Тойгъан джерден туугъан джер игиди.
Профиль
|
|
|
|||