- Къазанны башы ачыкъ болса, итге уят керекди.
- Адамны артындан къара сабан сюрме.
- Адам къаллай бир ишленмесе, аллай бир кесин уллу кёреди.
- Рысхы – сют юсюнде кёмюк кибикди.
- Тойну къарнашы – харс, джырны къарнашы – эжиу.
- Алма терегинден кери кетмез.
- Баш болса, бёрк табылыр.
- Элни кючю – эмеген.
- Къартны сыйын кёрмеген, къартлыгъында сыйлы болмаз.
- Билимсиз иш бармаз.
- Аллахдан тилесенг, кёб тиле.
- Тура эдим джата, къайдан чыкъды хата?
- Келлик заман – къартлыкъ келтирир, кетген заман – джашлыкъ ёлтюрюр.
- Кёрмегеннге кебек – танг, битмегеннге сакъал – танг.
- Билмезни кёзю кёрмез, этмезни къулагъы эшитмез.
- Бетинги сатма, малынгы сат.
- Чарсда алчыны эл кёреди.
- Гыдай эчки суугъа къараб, мюйюзле кёрмесе, джашма алкъын, дегенди.
- Къолу уллу – асыу, аягъы уллу – джарсыу.
- Хунаны тюбюн къазсанг, юсюнге ауар.
- Ашхы сёз таш тешер.
- Телини эшигин, махтау джабар.
- Сакъламагъан затынга джолукъсанг, не бек къууанаса, не бек ачыйса.
- Бет бетге къараса, бет да джерге къарар.
- Этим кетсе да, сюегим къалыр.
- Иши джокъну, сыйы джокъ.
- Акъыл сабырлыкъ берир.
- Бюгюн дуния кибик, тамбла ахыратды.
- Акъыллы башны – тили къысха.
- Уллу сёлешме да, уллу къаб.
- Ашхы атаны – джашы ашхы, ашхы ананы – къызы ашхы.
- Биреуге аманлыкъны тилеме да, кесинге ашхылыкъны тиле.
- Накъырданы арты керти болур.
- Адам боллукъ, атламындан белгили болур.
- Шапа кёб болса, аш татымсыз болур.
- Къатын байлыкъны сюер, эр саулукъну сюер.
- Кёб джашагъан – кёб билир.
- Къызбайны юйюне дери сюрсенг, батыр болур.
- Кёзден кетген, кёлден да кетеди.
- Aдам боллукъ, сыфатындан белгили.
- Джумушакъ терекни къурт ашар.
- Хазыр ашха – терен къашыкъ.
- Окъумагъан сокъурду, сокъур ташха абыныр!
- Хата – гитчеден.
- Мал тутхан – май джалар.
- Ауурну тюбю бла, дженгилни башы бла джюрюген.
- Адеби болмагъан къыз – тузсуз хант.
- Къан бла кирген, джан бла чыгъар.
- Терслик кетер, тюзлюк джетер.
- Тынгылагъан тынгы бузар.
Профиль
|
|
|
|||