- Уясында не кёрсе, учханында аны этер.
- Биреуге аманлыкъны тилеме да, кесинге ашхылыкъны тиле.
- Тешигини къатында, чычхан да батыр болур.
- Кенгеш болса, уруш болмаз.
- Дуния мал дунияда къалады.
- Сёз сёзню айтдырыр.
- Окъуусуз билим – джокъ, билимсиз кюнюнг – джокъ.
- Кесине оноу эте билмеген, халкъына да эте билмез.
- Ана – юйню кюн джарыгъы.
- Термилгенинги табмазса, кюлгенинге тюберсе.
- Ишге юренсин къоллары, халкъ бла болсун джоллары.
- Миллетни бойну – базыкъ, аны бла кюрешген – джазыкъ.
- Джогъун бар этген, барын бал этген.
- Рысхы – насыбха къор.
- Бюгюн дуния кибик, тамбла ахыратды.
- Тёгюлген тюгел джыйылмайды.
- Рысхысына кёре, джаш ёсер, къышлыгъына кёре, мал ёсер.
- Къайгъы тюбю – тенгиз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Намысы джокъну – дуниясы джокъ.
- Уллу къазанда бишген эт, чий къалмаз.
- Ёзденликни джайгъан – джокълукъ.
- Экеулен сёлеше тура эселе, орталарына барыб кирме.
- Джашны джигитлиги сорулур, къызны джигерлиги сорулур.
- Аман адамны тепсинге олтуртсанг, къызынгы тилер.
- Кёл ашады да, кеси ашады.
- Гугук кесини атын айтыб къычыргъанча, мен, мен деб нек тураса?
- Адамны артындан къара сабан сюрме.
- Аз айтсам, кёб ангылагъыз.
- Телиге от эт десенг, юйюнге от салыр.
- Бек анасы джыламаз.
- Суу ичген шауданынга тюкюрме.
- Чалманны аллы къалай башланса, арты да алай барады.
- Тойну къарнашы – харс, джырны къарнашы – эжиу.
- Аманны тукъумуна къарама, игини тукъумун сорма.
- От этилмеген джерден тютюн чыкъмайды.
- Аллахха ийнаннган кишини, Аллах онгдурур ишин.
- Билими азны – ауузунда кирит.
- Ашаса, ашамаса да, бёрюню ауузу – къан.
- Ариу сёз аурууунгу алыр.
- Къоркъакъны кёзю экили кёрюр.
- Дуния аламаты сен эсенг да, игиме деб айтма.
- Акъыллы – эл иеси, тели – эл баласы.
- Айранын берсенг, челегин да къызгъанма.
- Ургъан суудан башынгы сакъла.
- Эл бла кёргенинг эрелей.
- Эркишиге тары кебек танг кёрюнюр.
- Ётюрюкню къуйругъу – бир тутум.
- Байлыкъ болгъан джерде, тынчлыкъ джокъду.
- Огъурлуну сёзю – суу, огъурсузну сёзю – уу.
Профиль
|
|
|
|||