- Кёбден умут этиб, аздан къуру къалма.
- Суугъа – чабакъ, къаягъа – ыргъакъ.
- Къызгъанчдан ычхыныр, мухардан ычхынмаз.
- Акъыл бла адеб эгизледиле.
- Башы ишлегенни, ауузу да ишлер.
- Ата – билек, ана – джюрек!
- Ашхы сёз таш тешер.
- Сабыр джетер муратха, сабырсыз къалыр уятха.
- Чёбню кёлтюрсенг, тюбюнден сёз чыгъар.
- Окъуу – билимни ачхычы, окъуу – дунияны бачхычы.
- Къарны аманнга къазан такъдырма, къолу аманнга от джакъдырма.
- Чакъырылмай келген къонакъ сыйланмай кетер.
- Байны къызы баймакъ болса да, юйде къалмаз!
- Агъач – джерни чырайы, кийим – эрни чырайы.
- Эски джаугъа ышанма.
- Хар адамгъа кеси миннген тау кибик.
- Этни бети бла шорпасы.
- Ата джурт – алтын бешик.
- Азыкълы ат арымаз, къатыны аман джарымаз.
- Атынг аманнга чыкъгъандан эсе, джанынг тамагъынгдан чыкъсын.
- Джогъун бар этген, барын бал этген.
- Хунаны тюбюн къазсанг, юсюнге ауар.
- Билимден уллу байлыкъ джокъду.
- Кёл – къызбай, къол – батыр.
- Джаш болсун, къыз болсун, акъылы, саны тюз болсун.
- Башсыз урчукъ тюзюне айланмаз.
- Тенгинг джокъ эсе – изле, бар эсе – сакъла!
- Адеб джокъда, намыс джокъ.
- Джангызны оту джарыкъ джанмаз!
- Туз, гырджын аша, тюзлюк бла джаша.
- Чыкълы кюнде чыкъмагъан, чыкъса къуру кирмеген.
- Кёзю сокъурдан – къоркъма, кёлю сокъурдан – къоркъ.
- Бозанг болмагъан джерге, къалагъынгы сукъма.
- Окъугъан озар, окъумагъан тозар.
- Азыгъы аз, алгъа къабар, аты аман, алгъа чабар.
- Арпа, будай – ащды, алтын, кюмюш а – ташды.
- Джерни букъусу кёкге къонмаз.
- Ишлегенде эринме, ишде чолакъ кёрюнме.
- Айранын берсенг, челегин да къызгъанма.
- Онгсузну – джакъла, тенгликни – сакъла.
- Айтханы чапыракъдан ётмеген.
- Ойнай билмеген, уруб къачар.
- Кёзден кетген, кёлден да кетеди.
- Къызны минг тилер, бир алыр.
- Джашлыкъ этмеген, башлыкъ этмез.
- Чомарт джарлы болмаз.
- Кёбге таш атма.
- Кёлю джокъну – джолу джокъ.
- Адам сёзге тынгыла, акъыл сёзню ангыла.
- Халкъны юйю – туугъан джери.
Профиль
|
|
|
|||