- Байдан умут эте, джарлыдан ёгюз багъасы къорады.
- Уллу сёзде уят джокъ.
- Эки къатын алгъан – эки ташны ортасына башын салгъан.
- Намысы джокъну – дуниясы джокъ.
- Ачлыкъ отха секиртир.
- Ариу сёз – къылычдан джити.
- Чабакъ башындан чирийди.
- Атлыны ашхысы, ат тизгининден билинир
- Айтхан – тынч, этген – къыйын.
- Билим къая тешер.
- Чарсда алчыны эл кёреди.
- Джаханимни кёрмей, джандетге кёл салмазса.
- Накъырданы арты керти болур.
- Сормай – алма, чакъырылмай – барма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ач къарынны, токъ билмез
- Тёрде – темир таякълы, къаяда – чыпчыкъ аякълы.
- Атадан ёксюз – бир ёксюз, анадан ёксюз – эки ёксюз.
- Къарнынг къанлынга кийирир.
- Татлы сёз – балдан татлы.
- Орундукъ тюбюнде атылсам да, орта джиликме, де да айлан.
- Хар адамгъа кеси миннген тау кибик.
- Къолу уллу – асыу, аягъы уллу – джарсыу.
- Ашда уялгъан – мухар, ишде уялгъан – хомух.
- Кютгени беш эчки, сызгъыргъаны уа, джерни джарады.
- Мадар болса, къадар болур.
- Эшекге миннген – биринчи айыб, андан джыгъылгъан – экинчи айыб.
- Джаш къарыу бла кючлю, къарт акъыл бла кючлю.
- Алтыннга тот къонмаз.
- Аджалсыз ёлюм болмаз.
- Суу кетер, таш къалыр.
- Къошда джокъгъа – юлюш джокъ.
- Адеби болмагъан къыз – тузсуз хант.
- Ойнаб айтсанг да, эслеб айт.
- Джыланны къуйругъундан басарынг келсе, аны башы болгъанын унутма.
- Хар ишни да аллы къыйынды.
- Айыбны суу бла джууалмазса.
- Джырына кёре эжиую.
- Джахил болса анасы, не билликди баласы?
- Джигер – джаннга къыйынлыкъ.
- Шапа кёб болса, аш татымсыз болур.
- Биреуге аманлыкъны тилеме да, кесинге ашхылыкъны тиле.
- Къартха ушагъан джаш – акъыллы, джашха ушагъан къарт – тели.
- Айтхан сёзюне табылгъан.
- Ач, тоймам, дейди, тойгъан, ач болмам, дейди.
- Экеулен сёлеше тура эселе, орталарына барыб кирме.
- Ач бёрюге мекям джокъ.
- Кюн кёрмеген, кюн кёрсе, кюндюз чыракъ джандырыр.
- Мураты болгъанны джюрек тебюую башхады.
- Ёпкелегенни ашы татлы болады.
Профиль
|
|
|
|||