- Билимли ёлмез, билимсиз кёрмез.
- Къыйынлы джети элни къайгъысын этер.
- Сакъламагъан затынга джолукъсанг, не бек къууанаса, не бек ачыйса.
- Эки итни арасына сюек атма, эки адамны арасында сёз чыгъарма.
- Къонакъ кёб келюучю юйню, къазаны отдан тюшмез.
- Элге къуллукъ этмеген, элге ие болмаз.
- Алим болгъандан эсе, адам болгъан къыйынды.
- Таукел адам тау тешер.
- Джарлыны эшигин махтагъан джабар.
- Адам къыйынлыгъын кёлтюрюр, зауукълугъун кёлтюрмез.
- Келлик заман – къартлыкъ келтирир, кетген заман – джашлыкъ ёлтюрюр.
- Ат басханны джер билед.
- Акъыллы башны – тили къысха.
- Аш берме да, къаш бер.
- Хазыр ашха – терен къашыкъ.
- Ач къарынны, токъ билмез
- Эртде тургъан джылкъычыны эркек аты тай табар.
- Ишлерге уял да, ашаргъа табма.
- Тиширыусуз юй – отсуз от джагъа.
- Ойнай билмеген, уруб къачар.
- Керти сёзге тёре джокъ.
- Башы ишлегенни, ауузу да ишлер.
- Хансыз джомакъ болмаз.
- Атлыны кёрсе, джаяуну буту талыр.
- Ариу сёз – джаннга азыкъ, аман сёз – башха къазыкъ.
- Намыс болмагъан джерде, насыб болмаз.
- Айранын берсенг, челегин да къызгъанма.
- Таула не мийик болсала да, аууш табылыр.
- Байны къызы баймакъ болса да, юйде къалмаз!
- Ариу – кёзге, акъыл – джюрекге.
- Ишленмеклик адамлыкъды.
- Этни да ашады, бетни да ашады.
- Бозанг болмагъан джерге, къалагъынгы сукъма.
- Акъыл къартда, джашда тюйюлдю – башдады.
- Онгсузну – джакъла, тенгликни – сакъла.
- Тешик этген тынчды, аны джамагъан къыйынды.
- Тау башында, тау болмаз, джангыз терек, бау болмаз.
- Айтханы чапыракъдан ётмеген.
- Эки элинги тыйсанг, джети элде махталырса.
- Баш – акъыл ючюн, акъылман – халкъ ючюн.
- Хар ишни да аллы къыйынды.
- Ичимден чыкъды хата, къайры барайым сата?
- Телиге от эт десенг, юйюнге от салыр.
- Тыш элде солтан болгъандан эсе, кесинги элде олтан болгъан игиди!
- Окъугъанны бети джарыкъ.
- Ашарыкъда сайлагъаннга – чий гырджын.
- Тенгни тенглиги джашай барсанг билинир.
- Ата – баланы уясы.
- Билгенни къолу къарны джандырыр.
- Гитче джилтин уллу элни джандырыр.
Профиль
|
|
|
|||