- Этим кетсе да, сюегим къалыр.
- Джуртун къоругъан озар.
- Aдам боллукъ, сыфатындан белгили.
- Къатын байлыкъны сюер, эр саулукъну сюер.
- Чакъырылгъанны аты, чакъырылмагъанны багъасы болур.
- Кёб джат да, бек чаб.
- Джол бла сёзню къыйыры джокъ.
- Баш болса, бёрк табылыр.
- Аманнга да, игиге да оноусуз къатышма.
- Хантына кёре тузу, юйюне кёре къызы.
- Сакъламагъан затынга джолукъсанг, не бек къууанаса, не бек ачыйса.
- Тёзгеннге, джабылгъан эшик ачылыр.
- Джылкъыдан – ат чыгъар, тукъумдан – джаш чыгъар.
- Иги адамны бир сёзю эки болмаз.
- Эр сокъур болсун, къатын тилсиз болсун.
- Къайгъы тюбю – тенгиз.
- Тойчу джашха къарама, къойчу джашха къара.
- Эки элинги тыйсанг, джети элде махталырса.
- Ишлерге уял да, ашаргъа табма.
- Ханнга да келеди хариблик.
- Сибиртки да сыйлы болду, кюрек да кюнлю болду.
- Терек ауса, отунчу – кёб.
- Малны кют, джерни тюрт.
- Бир онгсуз адам адет чыгъарды, деб эштирик тюлсе.
- Нёгерсизни джолу узун.
- Джумушакъ сёз къаты таякъны сындырыр.
- Джаралыны джастыгъында сау ёлюр.
- Ат да турмайды бир териде.
- Бозаны арты дауур болур.
- Чакъырылмагъан къонакъ тёрге атламаз.
- Окъдан джара эртде-кеч болса да бителир, сёз джара, ёмюрге къалыр.
- Таула не мийик болсала да, аууш табылыр.
- Тенгни тенглиги джашай барсанг билинир.
- Мал кёб болса, джууукъ кёб болур.
- Къобан да къуру да къобханлай турмайды, адам да къуру да патчахлай турмайды.
- Айраннга суу къош, телиге джол бош.
- Адам сёзге тынгыла, акъыл сёзню ангыла.
- Къазанчы аман болса, къазаны къайнамаз.
- Эри аманны, къатыны – аман.
- Эринчекге кюн узун.
- Аман адам элни бир-бирине джау этер.
- Сакъ юйюне сау барыр.
- Джюрекге ариу – кёзге да ариу.
- Эм ашхы къайын ана мамукъ бла башынгы тешер.
- Тёрдеги кюлсе, эшикдеги ышарыр.
- Этни да ашады, бетни да ашады.
- Тёзген – тёш ашар!
- Халкъгъа джарагъан, джарлы къалмаз.
- Адамны сыфатына къарама, сёзюне къара.
- Джауумдан сора, кюн кюйдюрюр, ётюрюкден сора, айыб кюйдюрюр.
Профиль
|
|
|
|||