- Малны кют, джерни тюрт.
- Къызын тута билмеген, тул этер, джашын тута билмеген, къул этер.
- Акъылсызны джууукъгъа алма, акъыллыны кенгнге салма.
- Къонагъы джокъну – шоху джокъ.
- Баш – акъыл ючюн, акъылман – халкъ ючюн.
- Аууздан келген, къолдан келсе, ким да патчах болур эди.
- Къарны аманнга къазан такъдырма, къолу аманнга от джакъдырма.
- Ата джурт – алтын бешик.
- Эр сокъур болсун, къатын тилсиз болсун.
- Аз сёлешген, къайгъысыз турур.
- Ётген ёмюр – акъгъан суу.
- Ашыкъгъан cуу, тенгизге джетмез.
- Чакъырылмагъан къонакъ – орунсуз.
- Биреу къой излей, биреу той излей.
- Хунаны тюбюн къазсанг, юсюнге ауар.
- Тешик этген тынчды, аны джамагъан къыйынды.
- Ёлген аслан – сау чычхан.
- Адамны аманы адамны бети бла ойнар.
- Джумушакъ сёз къаты таякъны сындырыр.
- Эр абынмай, эл танымаз.
- Кёрмегеннге кебек – танг, битмегеннге сакъал – танг.
- Азыкъ аз болса, эртде орун сал.
- Къыйынлы джети элни къайгъысын этер.
- Байма, деб да, къууанма, джарлыма, деб да, джылама.
- Къайгъыны сюйген, къайгъы табар.
- Экеу тутушса, биреу джыгъылыр.
- Тин – байлыгъынг, терен саулугъунг.
- Гугук кесини атын айтыб къычыргъанча, мен, мен деб нек тураса?
- Намысы джокъну – дуниясы джокъ.
- Айтхан сёзюне табылгъан.
- Билмезни кёзю кёрмез, этмезни къулагъы эшитмез.
- Биреуню тёрюнден, кесинги эшик артынг игиди.
- Байны къызы баймакъ болса да, юйде къалмаз!
- Юре билмеген ит, къонакъ келтирир.
- Ашхы адам – халкъ байлыгъы, ашхы джер – джашау байлыгъы.
- Адамны адамлыгъы къыйынлыкъда айгъакъланады.
- Дуния малгъа сатылма, кесингден телиге къатылма.
- Кёзден кетген, кёлден да кетеди.
- Аллахха ийнаннган кишини, Аллах онгдурур ишин.
- Таш бла ургъанны, аш бла ур.
- Къулакъдан эсе, кёзге ышан.
- Тюкюрюк баш джармаз, налат кёз чыгъармаз!
- Бек анасы джыламаз.
- Эте билген, этген этеди, эте билмеген, юретген этеди!
- Ашатыргъа иш – ашхы, ишлетирге аш – ашхы.
- Чыбыкълыкъда бюгюлмеген, къазыкълыкъда бюгюлмей эди.
- Сёз къанатсыз учар.
- Бёрю да ач къалмасын, эчки да ашалмасын.
- Адам сёзюнден белгили.
- «Ма», - дегенни билмесенг, «бер», - дегенни билмезсе.
Профиль
|
|
|
|||