- Ауругъаннга – кийик саулукъ, джетген къызгъа – чилле джаулукъ.
- Накъырда – кертини келечиси.
- Эл бла кёргенинг эрелей.
- Башы джабылгъан челекге, кир тюшмез.
- Сескекли кесин билдирир.
- Ашарыкъда сайлагъаннга – чий гырджын.
- Джарлы джети элни сёзюн этер.
- Мени джылытмагъан кюн, меннге тиймесин!
- Халкъгъа джарагъан, джарлы къалмаз.
- Адамны аманы адамны бети бла ойнар.
- Иги болса, тамадама – махтау, аман болса, меннге – айыб.
- Джахил болса анасы, не билликди баласы?
- Ата – баланы уясы.
- Тойгъан антын унутур.
- Чабакъсыз кёлге къармакъ салгъанлыкъгъа, чабакъ тутмазса.
- Ашда – бёрю, ишде – ёлю.
- Чомартха Тейри да борчлуду.
- Ач бёрюге мекям джокъ.
- Ариу сёз – къылычдан джити.
- Къызбайны юйюне дери сюрсенг, батыр болур.
- Кюл тюбюндеги от кёрюнмейди.
- Башы ишлегенни, ауузу да ишлер.
- Борчунг бар эсе, хурджунунга ойлаб узал.
- Ауругъанны сау билмез, ач къарынны токъ билмез.
- Зарда марда джокъ.
- Билим насыб берир, билим джолну керир.
- Адамны сабийин сюйген джюреги, бычакъча, джитиди.
- Болджал ишни бёрю ашар.
- Ким бла джюрюсенг, аны кёзю бла кёрюнюрсе.
- Босагъа таш юйге кирмей эди, тыбыр таш эшикге чыкъмай эди.
- Минг тенг да азды, бир джау да кёбдю.
- Ачны эсинде – аш.
- Аш иеси бла татлыды.
- Танг атмайма десе да, кюн къоярыкъ тюйюлдю.
- Юйюнгден чыкъдынг – кюнюнгден чыкъдынг.
- «Ма», - дегенни билмесенг, «бер», - дегенни билмезсе.
- Джырчы ёлсе, джыры къалыр.
- Илму – джашауну джолу.
- Кеси юйюмде мен да ханма.
- Тойну къарнашы – харс, джырны къарнашы – эжиу.
- Тёрени джагъы джокъ.
- Келгинчи, къонакъ уялыр, келгенден сора, къонакъбай уялыр.
- Ашыкъгъанны этеги бутуна чырмалыр.
- Ата джурт – алтын бешик.
- Адебсиз адам – джюгенсиз ат.
- Баш – акъыл ючюн, акъылман – халкъ ючюн.
- Ана къойну – балагъа джандет.
- Шайтан алдады, тюзлюк къаргъады.
- Чомартха хар кюн да байрамды.
- Ёлген ийнек сютлю болур.
Профиль
|
|
|
|||