- Кимни – тили, тиши онглу, кимни – къолу, иши онглу.
- Тюкюрюк баш джармаз, налат кёз чыгъармаз!
- Ата – баланы уясы.
- Суу да къайтады чыкъгъан джерине.
- Кёбню кёрген – кёб билир.
- Уллу сёзде уят джокъ.
- Акъдан къара болмаз.
- Сакъалы текени да бар, мыйыгъы киштикни да бар.
- Нарт сёз къарт болмаз.
- Джиби бир къат джетмей эди да, эки къат тарта эди.
- Шайтан алдады, тюзлюк къаргъады.
- Аманнга алтын чыдамаз.
- Къаллай салам берсенг, аллай джууаб алырса.
- Хар зат кесини орнуна иги.
- Таула не мийик болсала да, аууш табылыр.
- Элиб деген, элге болушур.
- Эшекни не къадар тюйсенг да, ат болмаз.
- Ишни аллы бла къууанма да, арты бла къууан.
- Сагъышы джокъ – джукъучу, акъылы джокъ – къаугъачы.
- Кенгеш болса, уруш болмаз.
- Ашда уялгъан – мухар, ишде уялгъан – хомух.
- Ёлген эшек бёрюден къоркъмайды.
- Къызны минг тилер, бир алыр.
- Иги – алгъыш этер, аман – къаргъыш этер.
- Чакъырылмагъан джерге барма, чакъырылгъан джерден къалма.
- Сабийни джумушха джибер да, ызындан бар.
- Нёгерсизни джолу узун.
- Джумушакъ терекни къурт ашар.
- Бастасын ашагъан, хантусун да ичер.
- Джарлы эскисин джамаса, къууаныр.
- Эски джаугъа ышанма.
- Джуртун къоругъан озар.
- Аууз сакълагъан – джан сакълар.
- Ашыкъгъан cуу, тенгизге джетмез.
- Чёбню кёлтюрсенг, тюбюнден сёз чыгъар.
- Аз сёлешген, къайгъысыз турур.
- Кюлме джашха – келир башха.
- Бет бетге къараса, бет да джерге къарар.
- Ауузу аманнга «иги», деме.
- Джумушакъ сёз къаты таякъны сындырыр.
- Намысы болмагъанны, сыйы болмаз.
- Ата Джуртча джер болмаз, туугъан элча эл болмаз.
- Къарт болгъан джерде, берекет болур, сабий болгъан джерде, оюн болур.
- Тилчи тилден къаныкъмаз.
- Эки къатын алгъанны къулагъы тынгнгаймаз.
- Ачны эсинде – аш.
- Сёлеш деб шай берген, тохта деб, сом берген.
- Таш ата билмеген, башына урур.
- Агъач халкъгъа алтынды, иссиликге салкъынды.
- Тилде сюек болмаса да, сюек сындырыр.
Профиль
|
|
|
|||