- Кюлме джашха – келир башха.
- Арпа, будай – ащды, алтын, кюмюш а – ташды.
- Тюзлюк шохлукъну бегитир.
- Ат да турмайды бир териде.
- Ата – билек, ана – джюрек!
- Айран ичген – къутулду, джугъусун джалагъан – тутулду.
- Сабыр джетер муратха, сабырсыз къалыр уятха.
- Гыдай эчки суугъа къараб, мюйюзле кёрмесе, джашма алкъын, дегенди.
- Джаханимни кёрмей, джандетге кёл салмазса.
- Ишлегенде эринме, ишде чолакъ кёрюнме.
- Тай асырагъан, атха минер.
- Тюз сёз баргъан сууну тыяр.
- Намысы болмагъанны, сыйы болмаз.
- Ач уят къоймаз.
- Нарт сёз – тилни бети.
- Баш болса, бёрк табылыр.
- Иги – алгъыш этер, аман – къаргъыш этер.
- Чыбыкълыкъда бюгюлмеген, къазыкълыкъда бюгюлмей эди.
- Билим насыб берир, билим джолну керир.
- Джаралыны джастыгъында сау ёлюр.
- Магъанасыз сёз – тауушсуз сыбызгъы.
- Джарлыны эшигин махтагъан джабар.
- Тойгъан джерге джети къайт.
- Кесинге джетмегенни, кёб сёлешме.
- Шекер бла туз – бир болмаз, ушамагъан – юй болмаз.
- Ышармагъан – кюлмез, кюлмеген – къууанчны билмез.
- Азыгъы аз, алгъа къабар, аты аман, алгъа чабар.
- Хар адамгъа кеси миннген тау кибик.
- Акъыл бла адеб эгизледиле.
- Керилген да, ургъан кибикди.
- Ётюрюкден тюбю джокъ, кёлтюрюрге джиби джокъ.
- Тойгъанлыкъ къойгъа джарашады.
- Хунаны тюбюн къазсанг, юсюнге ауар.
- Хатерли къул болур.
- Байма, деб да, къууанма, джарлыма, деб да, джылама.
- Атадан ёксюз – бир ёксюз, анадан ёксюз – эки ёксюз.
- Акъыл сабырлыкъ берир.
- Сескекли кесин билдирир.
- Ач бёрюге мекям джокъ.
- Ургъан суудан башынгы сакъла.
- Къыйынлы джети элни къайгъысын этер.
- Элде адам къалмаса, ит тахтагъа минер.
- Иги сёз – джаннга азыкъ, аман сёз башха – къазыкъ.
- Ачлыкъда тары гырджын халыуадан татлы.
- Аманнга алтын чыдамаз.
- Кюн – узун, ёмюр – къысха.
- Ойнай билмеген, оюн бузар.
- Этни бети бла шорпасы.
- Бетинги сатма, малынгы сат.
- Джашда акъыл джокъ, къартда къарыу джокъ.
Профиль
|
|
|
|||