- Ичимден чыкъды хата, къайры барайым сата?
- Ариу джол аджал келтирмез.
- Ата джурт – алтын бешик.
- Махтаннган къыз, тойда джукълар.
- Ариуну – ауруу кёб.
- Сабий болмагъан джерде, мёлек болмаз.
- Агъач халкъгъа алтынды, иссиликге салкъынды.
- Эки ойлашыб, бир сёлешген.
- Айныгъанлы алты кюн, тогъайгъанлы тогъуз кюн.
- Келлик заман – къартлыкъ келтирир, кетген заман – джашлыкъ ёлтюрюр.
- Билим ат болуб да чабар, къуш болуб да учар.
- Нарт сёз – тилни бети.
- Кесинг сынамагъан затны, адамгъа буюрма.
- Юре билмеген ит, къонакъ келтирир.
- Таугъа чыгъаллыкъ эсенг, тюзде къалма.
- Тулпарлыкъ, билекден тюл – джюрекден.
- Ариу сёз аурууунгу алыр.
- Тай асырагъан, атха минер.
- Бермеген къол, алмайды.
- Шайтан алдады, тюзлюк къаргъады.
- Къалгъан ишге къар джауар.
- Айранны сюйген, ийнек тутар.
- Ёлмесенг да, къарт дамы болмазса?
- Тамбла алтындан бюгюн багъыр ашхы.
- Сютню башын джалагъан къутулур, тюбюн ичген тутулур.
- Асхат ашлыкъ сата, юйдегиси ачдан къата.
- Тил – миллетни джаны.
- Айтханы чапыракъдан ётмеген.
- Джарашыу сюйген – джалынчакъ.
- Тёзгеннге, джабылгъан эшик ачылыр.
- Суу кетер, таш къалыр.
- Адамны сабийин сюйген джюреги, бычакъча, джитиди.
- Ачлыкъ отха секиртир.
- Эски джаугъа ышанма.
- Биреу ашаб къутулур, биреу джалаб тутулур.
- Элге къуллукъ этмеген, элге ие болмаз.
- Арпа, будай – ащды, алтын, кюмюш а – ташды.
- Чакъырылмагъан джерге барма, чакъырылгъан джерден къалма.
- Джолда аягъынга сакъ бол, ушакъда тилинге сакъ бол.
- Къарт айтханны этмеген, къартаймаз.
- Чомартха Тейри да борчлуду.
- Зар адамны насыбы болмаз.
- Къазанда болса, чолпугъа чыгъар.
- Чакъырылмагъан къонакъ – орунсуз.
- Дуния малгъа сатылма, кесингден телиге къатылма.
- Джогъун бар этген, барын бал этген.
- Ата – билек, ана – джюрек!
- Байлыкъдан саулукъ ашхыды.
- Адамны аманы адамны бети бла ойнар.
- Къыз келсе, джумуш эте келеди, къатын келсе, ушакъ эте келеди.
Профиль
|
|
|
|||