- Уясында не кёрсе, учханында аны этер.
- Ётюрюкчюню шагъаты – къатында.
- Кёрмегеннге кебек – танг, битмегеннге сакъал – танг.
- Накъырда – кертини келечиси.
- Ойнай билмеген, уруб къачар.
- Аджалсыз ёлюм болмаз.
- Зарда марда джокъ.
- Ач – эснер, ат – кишнер.
- Ёлюр джаннга, ёкюл джокъ.
- Сабий болмагъан джерде, мёлек болмаз.
- Азыкълы ат арымаз, къатыны аман джарымаз.
- Чабар ат – джетген къыз.
- Келинни – келгинчи, бёркню кийгинчи кёр.
- Экеулен сёлеше тура эселе, орталарына барыб кирме.
- Итли къонакъ джарашмаз.
- Тамчы таш тешер.
- Кёл ашады да, кеси ашады.
- Тойчу джашха къарама, къойчу джашха къара.
- Къалгъан ишге къар джауар.
- Джаралыны джастыгъында сау ёлюр.
- Мал тутхан – май джалар.
- Тюкюрюк баш джармаз, налат кёз чыгъармаз!
- Аман адам элни бир-бирине джау этер.
- Тюзню ётмеги тюзде къалса да, тас болмаз.
- Акъыл къартда, джашда тюйюлдю – башдады.
- Аман адамны тепсинге олтуртсанг, къызынгы тилер.
- Джашынгы кесинг юретмесенг, джашау юретир.
- Битмегеннге сакъал – танг.
- Сёлеш деб шай берген, тохта деб, сом берген.
- Атлыны кёрсе, джаяуну буту талыр.
- Къатын къылыкъсыз, эр тынчлыкъсыз.
- Тюзлюк шохлукъну бегитир.
- Биреуню эскиси биреуге джангы болмайды.
- Булут кёкге джарашыу, уят бетге джарашыу.
- Адам къаллай бир ишленмесе, аллай бир кесин уллу кёреди.
- Оюмсуз атлагъан, аджалсыз ёлюр.
- Абынмазлыкъ аякъ джокъ, джангылмазлыкъ джаякъ джокъ.
- Аманнга да, игиге да оноусуз къатышма.
- Узун джолну барсанг, бюгюн келирсе, къысха джолну барсанг, тамбла келирсе.
- Элни кючю – эмеген.
- Сагъышы джокъ – джукъучу, акъылы джокъ – къаугъачы.
- Джумушакъ сёз къаты таякъны сындырыр.
- Джаханимни кёрмей, джандетге кёл салмазса.
- Хунаны тюбюн къазсанг, юсюнге ауар.
- Билеги кючлю, бирни джыгъар, билими кючлю, мингни джыгъар.
- Билмейме деген – бир сёз
- Таукелге нюр джауар.
- Татлы сёз – балдан татлы.
- Эри аманны, къатыны – аман.
- Хар ишни да аллы къыйынды.
Профиль
|
|
|
|||