- Айтхан – тынч, этген – къыйын.
- Адеб этмеген, адеб кёрмез.
- Нёгерсизни джолу узун.
- Ауругъаннга – кийик саулукъ, джетген къызгъа – чилле джаулукъ.
- Джангызны оту джарыкъ джанмаз!
- От кюйдюрген, сау болса да, тот кюйдюрген, сау болмаз.
- Тёрде – темир таякълы, къаяда – чыпчыкъ аякълы.
- Юре билмеген ит, къонакъ келтирир.
- Башсыз урчукъ тюзюне айланмаз.
- Бёрю да ач къалмасын, эчки да ашалмасын.
- Кийиминг бла танылма, адамлыкъ бла таныл.
- Ач келгенни – тойдур, кеч келгенни – къондур.
- Джолунга кёре – джюрюшюнг, джагъанга кёре – юлюшюнг.
- Бойнуму джети джерден кессенг да, мен ол ишни этеллик тюлме.
- Къарнынг ауруса, ауузунгу тый
- Кийимни бир кюнню аясанг, минг кюннге джарар.
- Аджашхан тёгерек айланыр.
- Къарнынг тойгъунчу аша да, белинг талгъынчы ишле.
- Башы ишлегенни, ауузу да ишлер.
- Къарт болгъан джерде, берекет болур, сабий болгъан джерде, оюн болур.
- Къайгъыны сюйген, къайгъы табар.
- Кёзюнде тереги болгъан, чёбю болгъаннга кюле эди.
- Ачлыкъ отха секиртир.
- Ат басханны джер билед.
- Бетинги сатма, малынгы сат.
- Джыйырма къойну юч джыйырма эбзе кюте эди.
- Бал – татлы, балдан да бала – татлы.
- Намысы болмагъанны, сыйы болмаз.
- Ишге юренсин къоллары, халкъ бла болсун джоллары.
- Артына баргъанны, къатына барма.
- Къралынгы – душмандан, башынгы от бла суудан сакъла.
- Эте билген, этген этеди, эте билмеген, юретген этеди!
- Рысхы – сют юсюнде кёмюк кибикди.
- Джети тилни билген джети кишиди.
- Уруну арты – къуру.
- Адебни адебсизден юрен.
- Таукелге нюр джауар.
- Ачыу алгъа келсе, акъыл артха къалады.
- Эм ашхы къайын ана мамукъ бла башынгы тешер.
- Сагъышы джокъ – джукъучу, акъылы джокъ – къаугъачы.
- Айран тёгюлсе, джугъусу къалыр.
- Къолунгдан къуймакъ ашатсанг да, атаны борчундан къутулмазса.
- Айтханы чапыракъдан ётмеген.
- Мухардан ач ычхынмаз.
- Уллу сёзде уят джокъ.
- Экеулен сёлеше тура эселе, орталарына барыб кирме.
- Аш иеси бла татлыды.
- Элге къуллукъ этмеген, элге ие болмаз.
- Борчунг бар эсе, хурджунунга ойлаб узал.
- Намыс болмагъан джерде, насыб болмаз.
Профиль
|
|
|
|||