- Къонакъны къачан кетерин сорма, къачан келлигин сор.
- Магъанасыз сёз – тауушсуз сыбызгъы.
- Узун джолну барсанг, бюгюн келирсе, къысха джолну барсанг, тамбла келирсе.
- Джерни букъусу кёкге къонмаз.
- Терслик кетер, тюзлюк джетер.
- Тамбла алтындан бюгюн багъыр ашхы.
- «Ёгюз, джаргъа джууукъ барма, меннге джюк боллукъса», - дегенди эшек.
- Уллу атлама – абынырса, уллу къабма – къарылырса.
- Окъугъан озар, окъумагъан тозар.
- Асхат ашлыкъ сата, юйдегиси ачдан къата.
- Кесинг сынамагъан затны, адамгъа буюрма.
- Тюзлюк тас болмайды.
- Дуния мал дунияда къалады.
- Адамны артындан къара сабан сюрме.
- Ачыкъ джюрекге джол – ачыкъ.
- Экиндини кеч къылсанг, чабыб джетер ашхам.
- Арба аугъандан сора, джол кёргюзтюучю кёб болур.
- Тик ёргени, тик энгишгеси да болады.
- Къарнынг тойгъунчу аша да, белинг талгъынчы ишле.
- Къатын къылыкъсыз, эр тынчлыкъсыз.
- Тюзлюк шохлукъну бегитир.
- Джарлы джети элни сёзюн этер.
- Тёзгеннге, джабылгъан эшик ачылыр.
- Кёпюр салгъан кеси ётер, уру къазгъан кеси кетер.
- Элни кючю – эмеген.
- Битмегеннге сакъал – танг.
- Къызбайны юйюне дери сюрсенг, батыр болур.
- Рысхы – насыбха къор.
- Этим кетсе да, сюегим къалыр.
- Айырылгъанланы айю ашар, бёлюннгенлени бёрю ашар.
- Къулакъдан эсе, кёзге ышан.
- Акъыл аздырмаз, билим тоздурмаз.
- Ашына кёре табагъы, балына кёре къалагъы.
- Босагъа таш юйге кирмей эди, тыбыр таш эшикге чыкъмай эди.
- Кёз – сюйген джерде, къол – ауругъан джерде.
- Къозулугъунда тоймагъан, къойлугъунда тоймаз.
- Кёл – къызбай, къол – батыр.
- Онгсузну – джакъла, тенгликни – сакъла.
- Чёбню кёлтюрсенг, тюбюнден сёз чыгъар.
- Аш хазыр болса, иш харам болур.
- Джюз элде джюз ёгюзюм болгъандан эсе, джюз джууугъум болсун.
- Махтаннган къыз, тойда джукълар.
- Кёрмегеннге кебек – танг, битмегеннге сакъал – танг.
- Эл бла кёргенинг эрелей.
- Ана къолу ачытмаз.
- Тойгъандан сора, ашны сёкме.
- Алма терегинден кери кетмез.
- Кёзню ачылгъаны – иги, ауузну джабылгъаны – иги.
- Экеу тутушса, биреу джыгъылыр.
- Джангыз терек къынгыр ёсер.
Профиль
|
|
|
|||