Эльбрусоид :: Форум

Джангызны оту джарыкъ джанмаз!
Эллинг бла джау болсанг да, юйюнг бла джау болма.
Чакъырылмагъан къонакъ къачан кетерин сормаз.
Ашда уялгъан – мухар, ишде уялгъан – хомух.
Чомартха хар кюн да байрамды.
Билгенни къолу къарны джандырыр.
Терслик кетер, тюзлюк джетер.
Кёб къычыргъандан – къоркъма, тынч олтургъандан – къоркъ.
Ёксюзню къалачы уллу кёрюнюр.
Ётюрюк хапар аякъ тюбю бла джюрюйдю.
Джиби бир къат джетмей эди да, эки къат тарта эди.
Тенги кёбню джау алмаз, акъылы кёбню дау алмаз.
Арбаз къынгырды да, ийнек сауалмайма.
Ким бла джюрюсенг, аны кёзю бла кёрюнюрсе.
Аман адам элни бир-бирине джау этер.
Шайтан алдады, тюзлюк къаргъады.
Ашыкъгъанны этеги бутуна чырмалыр.
Къая джолда джортма, ачыкъ сёзден къоркъма.
Сакъламагъан затынга джолукъсанг, не бек къууанаса, не бек ачыйса.
Айтылгъан сёз ызына къайтмаз.
Акъыл сабырлыкъ берир.
Таш бла ургъанны, аш бла ур.
Эртде тургъан бла эртде юйленнген сокъуранмаз.
Башланнган иш битер, къымылдагъан тиш тюшер.
Кийиминг бла танылма, адамлыкъ бла таныл.
Айтхан – тынч, этген – къыйын.
Бети къызарыучу адамны, джюреги харам болмаз.
Керилген да, ургъан кибикди.
Билимсиз иш бармаз.
Аман хансны – урлугъу кёб.
Халкъны юйю – туугъан джери.
Къартха ушагъан джаш – акъыллы, джашха ушагъан къарт – тели.
Илму – джашауну джолу.
Хар ишни да аллы къыйынды.
Бал чибинни ургъаны – ачы, балы – татлы.
Ач да бол, токъ да бол – намысынга бек бол.
Зар адамны насыбы болмаз.
Чакъырылмагъан къонакъ тёрге атламаз.
Кёзню ачылгъаны – иги, ауузну джабылгъаны – иги.
Ётюрюкню башын керти кесер.
Бозанг болмагъан джерге, къалагъынгы сукъма.
Иги болса, тамадама – махтау, аман болса, меннге – айыб.
Адебни адебсизден юрен.
Аджашхан тёгерек айланыр.
Бюгюн дуния кибик, тамбла ахыратды.
Ойнай-ойнай кёз чыгъар.
Нарт сёз – тилни бети.
Кёл ашады да, кеси ашады.
Ойнай билмеген, уруб къачар.
Ауурну тюбю бла, дженгилни башы бла джюрюген.

Логин:
Пароль:
	Запомнить меня на этом компьютере

Забыли свой пароль?
Регистрация