Эльбрусоид :: Форум

Джашлыкъ этмеген, башлыкъ этмез.
Башы ишлегенни, ауузу да ишлер.
Сибиртки да сыйлы болду, кюрек да кюнлю болду.
Таш ата билмеген, башына урур.
Ашарыкъда сайлагъаннга – чий гырджын.
Сакъалы текени да бар, мыйыгъы киштикни да бар.
Къазанчы аман болса, къазаны къайнамаз.
Бойнуму джети джерден кессенг да, мен ол ишни этеллик тюлме.
Тели турса – той бузар.
Чалманны аллы къалай башланса, арты да алай барады.
Тенги кёбню джау алмаз, акъылы кёбню дау алмаз.
Хата – гитчеден.
Бичгенде ашыкъма, тикгенде ашыкъ.
Тешик этген тынчды, аны джамагъан къыйынды.
Шапа кёб болса, аш татымсыз болур.
Сормай – алма, чакъырылмай – барма.
Кесине гебен этелмеген, биреуге черен эте эди.
Нарт сёз къарт болмаз.
Уруну арты – къуру.
Итли къонакъ джарашмаз.
Джумушакъ сёз къаты таякъны сындырыр.
Ишлемеген – тишлемез.
Дуния мал дунияда къалады.
Тойгъан антын унутур.
Ауузу аманнга «иги», деме.
Бал чибинни ургъаны – ачы, балы – татлы.
Ушамагъан – джукъмаз.
Тюкюрюк баш джармаз, налат кёз чыгъармаз!
Тенгни тенглиги джашай барсанг билинир.
Биреу къой излей, биреу той излей.
Аллахдан тилесенг, кёб тиле.
Джиби бир къат джетмей эди да, эки къат тарта эди.
Къарнынг ауруса, ауузунгу тый
Сагъышы джокъ – джукъучу, акъылы джокъ – къаугъачы.
Азыгъы аз, алгъа къабар, аты аман, алгъа чабар.
Чомартны къолун джокълукъ байлар.
Биреуге кёлтюрген таягъынг, кесинги башынга урур.
Иги сёз – джаннга азыкъ, аман сёз башха – къазыкъ.
Насыб бютеу халкъны юлюшюдю.
Ёпкелегенни ашы татлы болады.
Тил – миллетни джаны.
Ашхылыкъ джерде джатмайды, аманлыкъ суугъа батмайды.
Чоюнну башы ачыкъ болса, итге уят керекди.
Адебсиз адам – джюгенсиз ат.
Юй ишлеген балта эшикде къалыр.
Айыбны суу бла джууалмазса.
Акъылсызны джууукъгъа алма, акъыллыны кенгнге салма.
Акъыл неден да кючлюдю.
Башсыз урчукъ тюзюне айланмаз.
Аш иеси бла татлыды.

Логин:
Пароль:
	Запомнить меня на этом компьютере

Забыли свой пароль?
Регистрация