- Сабийликде юретмесенг, уллу болса – тюзелмез.
- Тойгъанлыкъ къойгъа джарашады.
- Тик ёргени, тик энгишгеси да болады.
- Сакъ юйюне сау барыр.
- Сабий болмагъан джерде, мёлек болмаз.
- Халкъны джырын джырласанг, халкъ санга эжиу этер.
- Чыбыкълыкъда бюгюлмеген, къазыкълыкъда бюгюлмей эди.
- Адам туугъан джеринде, ит тойгъан джеринде.
- Аман киши кеси юйюнде – къонакъ.
- Джигер – джаннга къыйынлыкъ.
- Къошда джокъгъа – юлюш джокъ.
- Мал тутхан – май джалар.
- Хунаны тюбюн къазсанг, юсюнге ауар.
- Айыбны суу бла джууалмазса.
- Акъыл аздырмаз, билим тоздурмаз.
- Джолунга кёре – джюрюшюнг, джагъанга кёре – юлюшюнг.
- Таукел адам тау тешер.
- Тау башында, тау болмаз, джангыз терек, бау болмаз.
- Душманны тышы – акъ, ичи – къара.
- Тилчиден кери бол.
- Нафысынгы айтханын этме, намысынгы айтханын эт.
- Къууут – джелге, берне – бошха.
- Ашда – бёрю, ишде – ёлю.
- Эркишини аманы тиширыуну джылатыр.
- Джерни букъусу кёкге къонмаз.
- Ётюрюк хапар аякъ тюбю бла джюрюйдю.
- Азыкъ аз болса, эртде орун сал.
- Тойчу джашха къарама, къойчу джашха къара.
- Ачылгъан эт джабылыр, кёрген кёз унутмаз.
- Борчунг бар эсе, хурджунунга ойлаб узал.
- Мал ёлсе, сюек къалыр, адам ёлсе, иши къалыр.
- Эринчекни аурууу – кёб.
- Ашхылыкъ джерде джатмайды, аманлыкъ суугъа батмайды.
- Сагъыш – къартлыкъгъа сюйюмчю.
- Келинин тута билмеген, къул этер, къызын тута билмеген, тул этер.
- Суу да къайтады чыкъгъан джерине.
- Ашына кёре табагъы, балына кёре къалагъы.
- Келинни – келгинчи, бёркню кийгинчи кёр.
- Эл тойса, тоймагъан, эл къойса, къоймагъан.
- Хоншуну тауугъу къаз кёрюнюр, келини къыз кёрюнюр.
- Къаллай салам берсенг, аллай джууаб алырса.
- Адам къаллай бир ишленмесе, аллай бир кесин уллу кёреди.
- Тюз сёз баргъан сууну тыяр.
- Рысхысына кёре, джаш ёсер, къышлыгъына кёре, мал ёсер.
- Накъырданы арты керти болур.
- Тенги кёбню джау алмаз, акъылы кёбню дау алмаз.
- Кёзю сокъурдан – къоркъма, кёлю сокъурдан – къоркъ.
- Ач келгенни – тойдур, кеч келгенни – къондур.
- Ханы къызы буюгъа-буюгъа киштик болду.
- Къыз тиширыу кеси юйюнде да къонакъды.
Профиль
|
|
|
|||