Эльбрусоид :: Форум

Адамны сабийин сюйген джюреги, бычакъча, джитиди.
Байны къызы баймакъ болса да, юйде къалмаз!
Къыйынлы джети элни къайгъысын этер.
Джарашыу сюйген – джалынчакъ.
Агъач – джерни чырайы, кийим – эрни чырайы.
Джашлыкъ этмеген, башлыкъ этмез.
Ашына кёре табагъы, балына кёре къалагъы.
Биреуге кёлтюрген таягъынг, кесинги башынга урур.
Байлыкъ адамны сокъур этер.
Тилсиз миллет джокъ болур.
Джылар джаш, атасыны сакъалы бла ойнар.
Чомарт бергенин айтмаз.
Тёзген – тёш ашар!
Кёб джашагъан – кёб билир.
Эм уллу байлыкъ – джан саулукъ.
Къарны аманнга къазан такъдырма, къолу аманнга от джакъдырма.
Аш кетер да бет къалыр.
«Ма», - дегенни билмесенг, «бер», - дегенни билмезсе.
Башы ишлегенни, ауузу да ишлер.
Джаханимни кёрмей, джандетге кёл салмазса.
Ачыу алгъа келсе, акъыл артха къалады.
Джиби бир къат джетмей эди да, эки къат тарта эди.
Аманнга игилик этсенг, юйюнге сау бармазса.
Эртде тургъан джылкъычыны эркек аты тай табар.
Кёкдеги болмаса, джердегин кёрмейди.
Биреуню эскиси биреуге джангы болмайды.
Кийимни бичсенг, кенг бич, тар этген къыйын тюлдю.
Хазыр ашха – терен къашыкъ.
Арбаз къынгырды да, ийнек сауалмайма.
Чабар ат – джетген къыз.
Келгинчи, къонакъ уялыр, келгенден сора, къонакъбай уялыр.
Ёмюрлюк шохлукъну джел элтмез.
Ким бла джюрюсенг, аны кёзю бла кёрюнюрсе.
Чомартны къолу берекет.
Битмегеннге сакъал – танг.
Эл ауузу – элек, анга ийнаннган – халек.
Намыс болмагъан джерде, насыб болмаз.
Ышармагъан – кюлмез, кюлмеген – къууанчны билмез.
Кийимни бир кюнню аясанг, минг кюннге джарар.
Чакъырылмай келген къонакъ сыйланмай кетер.
Ашыкъгъанны этеги бутуна чырмалыр.
Шапа кёб болса, аш татымсыз болур.
Дуния малгъа сатылма, кесингден телиге къатылма.
Алим болгъандан эсе, адам болгъан къыйынды.
Этни бети бла шорпасы.
Ёзденликни джайгъан – джокълукъ.
Джырчы джырчыгъа – къарнаш.
Джыланны къуйругъундан басарынг келсе, аны башы болгъанын унутма.
Мен да «сен», дейме, сен да «кесим», дейсе.
Джуртун къоругъан озар.

Логин:
Пароль:
	Запомнить меня на этом компьютере

Забыли свой пароль?
Регистрация