- Арыгъан къош чамчы болур.
- Джолунга кёре – джюрюшюнг, джагъанга кёре – юлюшюнг.
- Окъдан джара эртде-кеч болса да бителир, сёз джара, ёмюрге къалыр.
- Биреуге аманлыкъ этиб, кесинге игилик табмазса.
- Оюмсуз атлагъан, аджалсыз ёлюр.
- Байны оноуу, джарлыгъа джарамаз.
- Халкъны юйю – туугъан джери.
- Башсыз урчукъ тюзюне айланмаз.
- Къарыусузгъа кюлме, онгсузгъа тийме.
- Суу да къайтады чыкъгъан джерине.
- Танг атмайма десе да, кюн къоярыкъ тюйюлдю.
- Тёзген – тёш ашар!
- Къарт айтханны этмеген, къартаймаз.
- Адамны джюреги нени кёрюрге сюйсе, кёзю да аны кёрюрге ёч болады.
- Хантына кёре тузу, юйюне кёре къызы.
- Ашлыкъ – бюртюкден, джюн – тюкден.
- Ашхы тенг джолгъа салыр, аман тенг джолдан тайдырыр.
- Окъугъан – асыу, окъумагъан – джарсыу.
- Ичимден чыкъды хата, къайры барайым сата?
- Джигер – джаннга къыйынлыкъ.
- Тил бла келеди джыр да.
- Бастасын ашагъан, хантусун да ичер.
- Юйюнг бла джау болгъандан эсе, элинг бла джау бол.
- Чакъырылмагъан къонакъ къачан кетерин сормаз.
- Гугук кесини атын айтыб къычыргъанча, мен, мен деб нек тураса?
- Алтыда кюлмеген, алтмышда кюлмез.
- Тели турса – той бузар.
- Ана къолу ачытмаз.
- Чалманны аллы къалай башланса, арты да алай барады.
- Адамны адамлыгъы къыйынлыкъда айгъакъланады.
- Рысхы – сют юсюнде кёмюк кибикди.
- Айранны сюйген, ийнек тутар.
- Ишлегенден, къарагъан уста.
- Ойнай билмеген, оюн бузар.
- Къралынгы – душмандан, башынгы от бла суудан сакъла.
- Кюл тюбюндеги от кёрюнмейди.
- Таукел адам тау тешер.
- Билимли ёлмез, билимсиз кёрмез.
- Къонакъны къачан кетерин сорма, къачан келлигин сор.
- Биреуню къыйынлыгъы бла кесинге джол ишлеме.
- Сёз – кюмюш, джыр – алтын.
- Ишни ахырын ойламай, аллын башлама.
- Битмегеннге сакъал – танг.
- Чыбыкълыкъда бюгюлмеген, къазыкълыкъда бюгюлмей эди.
- Джарашыу сюйген – джалынчакъ.
- От этилмеген джерден тютюн чыкъмайды.
- Къызны минг тилер, бир алыр.
- Къайтырыкъ эшигинги, къаты уруб чыкъма.
- Ауузу бла къуш тута айланады.
- Зар адам ашынгы ашар, кесинги сатар.
Профиль
|
|
|
|||