Эльбрусоид :: Форум

Кёлсюзден сёзсюз тууар.
Сыфатында болмагъаны, суратында болмаз.
Таякъ этден ётер, тил сюекден ётер.
Джюрек кёзден алгъа кёрюр.
Эркиши – от, тиширыу – суу.
Иги джашны ышаны – аз сёлешиб, кёб тынгылар.
Тилчиден кери бол.
Гугурук къычырмаса да, тангны атары къалмаз.
Игиге айтсанг – билир, аманнга айтсанг – кюлюр.
Экеулен сёлеше тура эселе, орталарына барыб кирме.
Къатын байлыкъны сюер, эр саулукъну сюер.
Кийимни бир кюнню аясанг, минг кюннге джарар.
Эшекни не къадар тюйсенг да, ат болмаз.
Аджаллыгъа окъсуз шкок атылыр.
Юйлю уругъа ит чабмаз.
Кёб ант этген, кёб ётюрюк айтыр.
Аурууну келиую тынч, кетиую – къыйын.
Агъач – джерни чырайы, кийим – эрни чырайы.
Къарнынг тойгъунчу аша да, белинг талгъынчы ишле.
Кёб къычыргъандан – къоркъма, тынч олтургъандан – къоркъ.
Ёгюзню мюйюзюнден тутадыла, адамны сёзюнден тутадыла.
Ётюрюкню къуйругъу – бир тутум.
Ата джурт – алтын бешик.
Адеб джокъда, намыс джокъ.
Акъыллы айтыр эди, акъылсыз къоймайды.
Ишлерге уял да, ашаргъа табма.
Гыдай эчки суугъа къараб, мюйюзле кёрмесе, джашма алкъын, дегенди.
Аман адамны тепсинге олтуртсанг, къызынгы тилер.
Абынмазлыкъ аякъ джокъ, джангылмазлыкъ джаякъ джокъ.
Тилде сюек болмаса да, сюек сындырыр.
Нёгерсизни джолу узун.
Айтылгъан сёз ызына къайтмаз.
Аманнга да, игиге да оноусуз къатышма.
Джылкъыдан – ат чыгъар, тукъумдан – джаш чыгъар.
Душманны тышы – акъ, ичи – къара.
Ачлыкъда тары гырджын халыуадан татлы.
Сакъ юйюне сау барыр.
Билими азны – ауузунда кирит.
Олтуруб кёрюнмей эди да, ёрге туруб кёрюне эди.
Чакъырылгъанны аты, чакъырылмагъанны багъасы болур.
Байлыкъ тауусулур, билим тауусулмаз.
Ата Джуртун танымагъан, атасын да танымаз.
Джиби бир къат джетмей эди да, эки къат тарта эди.
Бети – къучакълар, джюреги – бычакълар.
Термилгенинги табмазса, кюлгенинге тюберсе.
Тилчи бир сагъатха айлыкъ хата этер.
Чоюнну башы ачыкъ болса, итге уят керекди.
Къонакъ аз олтурур, кёб сынар.
Къыйынлы джети элге оноу этер.
Байлыкъ келсе, акъыл кетер.

Логин:
Пароль:
	Запомнить меня на этом компьютере

Забыли свой пароль?
Регистрация