- Аджашханны ызындагъы кёреди, джангылгъанны джанындагъы биледи.
- Хатерли къул болур.
- Сибиртки да сыйлы болду, кюрек да кюнлю болду.
- Ауругъанны сау билмез, ач къарынны токъ билмез.
- Азыкъ аз болса, эртде орун сал.
- Окъдан джара эртде-кеч болса да бителир, сёз джара, ёмюрге къалыр.
- Ауругъаннга – кийик саулукъ, джетген къызгъа – чилле джаулукъ.
- Къартха ушагъан джаш – акъыллы, джашха ушагъан къарт – тели.
- Аджашхан тёгерек айланыр.
- Аш хазыр болса, иш харам болур.
- Битмегеннге сакъал – танг.
- Биреу ашаб къутулур, биреу джалаб тутулур.
- Адамны джюреги нени кёрюрге сюйсе, кёзю да аны кёрюрге ёч болады.
- Аджалсыз ёлюм болмаз.
- Арбаз сайлама да, хоншу сайла.
- Ханнга да келеди хариблик.
- Бозаны арты дауур болур.
- Ишлемеген – тишлемез.
- Берекет берсин деген джерде, берекет болур.
- Чоюнну башы ачыкъ болса, итге уят керекди.
- Бир онгсуз адам адет чыгъарды, деб эштирик тюлсе.
- Тюз сёз баргъан сууну тыяр.
- Суугъа – таянма, джаугъа – ийнанма.
- Акъыллы башны – тили къысха.
- Къолу уллу – асыу, аягъы уллу – джарсыу.
- Юре билмеген ит, къонакъ келтирир.
- Иши джокъну, сыйы джокъ.
- Элни кючю – эмеген.
- Таукел къуру къалмаз.
- Термилгенинги табмазса, кюлгенинге тюберсе.
- Суу кетер, таш къалыр.
- Къарнынг ауруса, ауузунгу тый
- Таугъа чыгъаллыкъ эсенг, тюзде къалма.
- Айтхан сёзюне табылгъан.
- Гитче джилтин уллу элни джандырыр.
- Тилде сюек болмаса да, сюек сындырыр.
- Суугъа – чабакъ, къаягъа – ыргъакъ.
- Джашда акъыл джокъ, къартда къарыу джокъ.
- Илму – джашауну джолу.
- Тилчи бир сагъатха айлыкъ хата этер.
- Айтылгъан буйрукъ, сёгюлмез
- Зар адам ашынгы ашар, кесинги сатар.
- Ушамагъан – джукъмаз.
- Бек ашыкъгъан меннге джетсин, дегенди аракъы.
- Суу ичген шауданынга тюкюрме.
- Окъугъан – асыу, окъумагъан – джарсыу.
- Ишлегенден, къарагъан уста.
- Орундукъ тюбюнде атылсам да, орта джиликме, де да айлан.
- Акъыл аздырмаз, билим тоздурмаз.
- Сабыр джетер муратха, сабырсыз къалыр уятха.
Профиль
|
|
|
|||