- Къанны къан бла джуума, аманны аман бла къуума.
- Аманны къуугъан, аманлыкъ табар.
- Ётюрюкчюню шагъаты – къатында.
- От этилмеген джерден тютюн чыкъмайды.
- Эл ауузу – элек, анга ийнаннган – халек.
- Иги адам абынса да, джангылмаз.
- Ханнга да келеди хариблик.
- Ишни ахырын ойламай, аллын башлама.
- Тюзлюк тас болмайды.
- Ишни аллы бла къууанма да, арты бла къууан.
- Агъач халкъгъа алтынды, иссиликге салкъынды.
- Кёб ант этген, кёб ётюрюк айтыр.
- Ишлерге уял да, ашаргъа табма.
- Хатерли къул болур.
- Ышармагъан – кюлмез, кюлмеген – къууанчны билмез.
- Тойну къарнашы – харс, джырны къарнашы – эжиу.
- Къартха ушагъан джаш – акъыллы, джашха ушагъан къарт – тели.
- Орундукъ тюбюнде атылсам да, орта джиликме, де да айлан.
- Этек чакъмакълары баш джаргъан, сёлешген сёзлери таш джаргъан.
- Эки ойлашыб, бир сёлешген.
- Ишлегенде эринме, ишде чолакъ кёрюнме.
- Гугук кесини атын айтыб къычыргъанча, мен, мен деб нек тураса?
- Тынгылагъан тынгы бузар.
- Кесине оноу эте билмеген, халкъына да эте билмез.
- Ашхы атаны – джашы ашхы, ашхы ананы – къызы ашхы.
- Аджашхан тёгерек айланыр.
- Телини эшигин, махтау джабар.
- Аш хазыр болса, иш харам болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Окъдан джара эртде-кеч болса да бителир, сёз джара, ёмюрге къалыр.
- Малны кют, джерни тюрт.
- Джашлыкъ этмеген, башлыкъ этмез.
- Мухардан ач ычхынмаз.
- Джашны джигитлиги сорулур, къызны джигерлиги сорулур.
- Акъыл неден да кючлюдю.
- Юре билмеген ит, къонакъ келтирир.
- Бетинги сатма, малынгы сат.
- Тойгъан джерге джети къайт.
- Кёбню кёрген – кёб билир.
- Джахил болса анасы, не билликди баласы?
- Тамбла алтындан бюгюн багъыр ашхы.
- Джогъун бар этген, барын бал этген.
- Келинин тута билмеген, къул этер, къызын тута билмеген, тул этер.
- Джылкъыдан – ат чыгъар, тукъумдан – джаш чыгъар.
- Эртде тургъан бла эртде юйленнген сокъуранмаз.
- Баш болса, бёрк табылыр.
- Джылар джаш, атасыны сакъалы бла ойнар.
- Нафысынгы айтханын этме, намысынгы айтханын эт.
- Кеси юйюмде мен да ханма.
- Аз сёлешген, къайгъысыз турур.
Профиль
|
|
|
|||