- Баргъанынга кёре болур келгенинг.
- Мал кёб болса, джууукъ кёб болур.
- Башынга джетмегенни сорма.
- Аш хазыр болса, иш харам болур.
- Джогъун бар этген, барын бал этген.
- Окъдан джара эртде-кеч болса да бителир, сёз джара, ёмюрге къалыр.
- Арбаз сайлама да, хоншу сайла.
- Къартха ушагъан джаш – акъыллы, джашха ушагъан къарт – тели.
- Шайтан алдады, тюзлюк къаргъады.
- Тюзлюк тас болмайды.
- Терек ауса, отунчу – кёб.
- Ишлегенде эринме, ишде чолакъ кёрюнме.
- Таш ата билмеген, башына урур.
- Чёбню кёлтюрсенг, тюбюнден сёз чыгъар.
- Бозанг болмагъан джерге, къалагъынгы сукъма.
- Татлы сёз – балдан татлы.
- Уллу сёлешме да, уллу къаб.
- Адам къыйынлыгъын кёлтюрюр, зауукълугъун кёлтюрмез.
- Джуртун къоругъан озар.
- Туз, гырджын аша, тюзлюк бла джаша.
- Баш – акъыл ючюн, акъылман – халкъ ючюн.
- Аман эсирсе, юйюн ояр.
- Алма терегинден кери кетмез.
- Ишни аллы бла къууанма да, арты бла къууан.
- Байлыкъ адамны сокъур этер.
- Биреу къой излей, биреу той излей.
- Сёз къанатсыз учар.
- Уясында не кёрсе, учханында аны этер.
- Тойгъа алгъа да барма, тойда артха да къалма.
- Къолу уллу – асыу, аягъы уллу – джарсыу.
- Сагъыш – къартлыкъгъа сюйюмчю.
- Дууулдаса – бал чибин, къонса – къара чибин.
- Ачыкъ джюрекге джол – ачыкъ.
- Хунаны тюбюн къазсанг, юсюнге ауар.
- Эркиши – от, тиширыу – суу.
- Алтыннга тот къонмаз.
- Зарда марда джокъ.
- Айран тёгюлсе, джугъусу къалыр.
- Чабар ат – джетген къыз.
- Рысхы – насыбха къор.
- Кёб къычыргъандан – къоркъма, тынч олтургъандан – къоркъ.
- Башсыз урчукъ тюзюне айланмаз.
- Ауурну тюбю бла, дженгилни башы бла джюрюген.
- Адамны аты башхача, акъылы да башхады.
- От этилмеген джерден тютюн чыкъмайды.
- Тойгъанлыкъ къойгъа джарашады.
- Къанны къан бла джуума, аманны аман бла къуума.
- Эр сокъур болсун, къатын тилсиз болсун.
- Ач келгенни – тойдур, кеч келгенни – къондур.
- Кимни – тили, тиши онглу, кимни – къолу, иши онглу.
Профиль
|
|
|
|||