- Этни да ашады, бетни да ашады.
- Алтыннга тот къонмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Адеб джокъда, намыс джокъ.
- Эркиши – от, тиширыу – суу.
- Къобан да къуру да къобханлай турмайды, адам да къуру да патчахлай турмайды.
- Къайгъы тюбю – тенгиз.
- Окъумагъан сокъурду, сокъур ташха абыныр!
- Окъугъан озар, окъумагъан тозар.
- Адамны сабийин сюйген джюреги, бычакъча, джитиди.
- Байлыкъ тауусулур, билим тауусулмаз.
- Къызгъанчдан ычхыныр, мухардан ычхынмаз.
- Билмезни кёзю кёрмез, этмезни къулагъы эшитмез.
- Бёрю да ач къалмасын, эчки да ашалмасын.
- Джерни букъусу кёкге къонмаз.
- Ишге юренсин къоллары, халкъ бла болсун джоллары.
- Бичгенде ашыкъма, тикгенде ашыкъ.
- Айтхан сёзюне табылгъан.
- Къызны минг тилер, бир алыр.
- Тынгылагъан тынгы бузар.
- Этни бети бла шорпасы.
- Чакъырылмагъан къонакъ тёрге атламаз.
- Сакъламагъан затынга джолукъсанг, не бек къууанаса, не бек ачыйса.
- Юйюнгден чыкъдынг – кюнюнгден чыкъдынг.
- Къолунгдан къуймакъ ашатсанг да, атаны борчундан къутулмазса.
- Ата – баланы уясы.
- Къая джолда джортма, ачыкъ сёзден къоркъма.
- Ётюрюкден тюбю джокъ, кёлтюрюрге джиби джокъ.
- Аман адам элни бир-бирине джау этер.
- Мухардан ач ычхынмаз.
- Къарт болгъан джерде, берекет болур, сабий болгъан джерде, оюн болур.
- Ишлегенден, къарагъан уста.
- Азыкълы ат арымаз, къатыны аман джарымаз.
- Таякъ этден ётер, тил сюекден ётер.
- Ёлген эшек бёрюден къоркъмайды.
- Булут кёкге джарашыу, уят бетге джарашыу.
- Акъыл сабырлыкъ берир.
- Тойгъанлыкъ къойгъа джарашады.
- Эркишиге тары кебек танг кёрюнюр.
- Сабийни джумушха джибер да, ызындан бар.
- Къаллай салам берсенг, аллай джууаб алырса.
- Терек ауса, отунчу – кёб.
- Биреуню тёрюнден, кесинги эшик артынг игиди.
- Эл тойса, тоймагъан, эл къойса, къоймагъан.
- Къарнынг бла ёч алма.
- Кийимни бичсенг, кенг бич, тар этген къыйын тюлдю.
- Кёзю сокъурдан – къоркъма, кёлю сокъурдан – къоркъ.
- Билмейме деген – бир сёз
- Кёб къычыргъандан – къоркъма, тынч олтургъандан – къоркъ.
- Ашхы болсанг, атынг чыгъар, аман болсанг, джанынг чыгъар.
Профиль
|
|
|
|||