Эльбрусоид :: Форум

Къарнынг къанлынга кийирир.
Къызбайны юйюне дери сюрсенг, батыр болур.
Эринчекни аурууу – кёб.
Мухардан ач ычхынмаз.
Джылар джаш, атасыны сакъалы бла ойнар.
Къазанны башы ачыкъ болса, итге уят керекди.
Акъылсызны джууукъгъа алма, акъыллыны кенгнге салма.
Тойну къарнашы – харс, джырны къарнашы – эжиу.
Телиге от эт десенг, юйюнге от салыр.
Ана къойну – балагъа джандет.
Харам къарнашдан, халал тенг ашхы.
Ёлген эшек бёрюден къоркъмайды.
Къарт айтханны этмеген, къартаймаз.
Джангызны оту джарыкъ джанмаз!
Бети бедерден, намыс сакълама.
Сыфатында болмагъаны, суратында болмаз.
Айтхан сёзюне табылгъан.
Таякъ этден ётер, тил сюекден ётер.
Биреуню тёрюнден, кесинги эшик артынг игиди.
Сёз къанатсыз учар.
Акъыл аздырмаз, билим тоздурмаз.
Тёрде – темир таякълы, къаяда – чыпчыкъ аякълы.
Биреуню эскиси биреуге джангы болмайды.
Кёзю сокъурдан – къоркъма, кёлю сокъурдан – къоркъ.
Аурууну келиую тынч, кетиую – къыйын.
Соргъан айыб тюлдю, билмеген айыбды.
Бир онгсуз адам адет чыгъарды, деб эштирик тюлсе.
Ауругъанны сау билмез, ач къарынны токъ билмез.
Намысы болмагъанны, сыйы болмаз.
Джырына кёре эжиую.
Келгинчи, къонакъ уялыр, келгенден сора, къонакъбай уялыр.
Нёгерсизни джолу узун.
Киштикге къанат битсе, чыпчыкъ къалмаз эди.
Тёрени джагъы джокъ.
Халкъны джырын джырласанг, халкъ санга эжиу этер.
Эл ауузу – элек, анга ийнаннган – халек.
Ариу – кёзге, акъыл – джюрекге.
Адам къаллай бир ишленмесе, аллай бир кесин уллу кёреди.
Кёлсюзден сёзсюз тууар.
Бал – татлы, балдан да бала – татлы.
Чабар ат – джетген къыз.
Ашарыкъда сайлагъаннга – чий гырджын.
Чакъырылгъанны аты, чакъырылмагъанны багъасы болур.
Ата джурт – алтын бешик.
Аджаллыгъа окъсуз шкок атылыр.
Кюн кёрмеген, кюн кёрсе, кюндюз чыракъ джандырыр.
Ишни ахырын ойламай, аллын башлама.
Хазыр ашха – терен къашыкъ.
Тас болгъан бычакъны сабы – алтын.
Джарлы эскисин джамаса, къууаныр.

Логин:
Пароль:
	Запомнить меня на этом компьютере

Забыли свой пароль?
Регистрация