- Ишленмеклик адамлыкъды.
- Экеулен сёлеше тура эселе, орталарына барыб кирме.
- Къыз чыгъаргъан – къызыл къымжа.
- Алгъанда – джууукъ, бергенде – джау.
- Тилчиден кери бол.
- Сибиртки да сыйлы болду, кюрек да кюнлю болду.
- Юре билмеген ит, къонакъ келтирир.
- Ойнай билмеген, уруб къачар.
- Адам туугъан джеринде, ит тойгъан джеринде.
- Шекер бла туз – бир болмаз, ушамагъан – юй болмаз.
- Ач къалгъандан, кеч къалгъан къолай.
- Башсыз урчукъ тюзюне айланмаз.
- Хунаны тюбюн къазсанг, юсюнге ауар.
- Байлыкъ тауусулур, билим тауусулмаз.
- Кёб джат да, бек чаб.
- Адеб этмеген, адеб кёрмез.
- Aдам боллукъ, сыфатындан белгили.
- Таукел къуру къалмаз.
- Ач, тоймам, дейди, тойгъан, ач болмам, дейди.
- Къонакъ аман болса, къонакъбай джунчур
- Атлыны кёрсе, джаяуну буту талыр.
- Ётюрюкден тюбю джокъ, кёлтюрюрге джиби джокъ.
- Тюкюрюк баш джармаз, налат кёз чыгъармаз!
- Сабий кёргенин унутмаз.
- Адамны артындан къара сабан сюрме.
- Баш болса, бёрк табылыр.
- Сескекли кесин билдирир.
- Ургъан суудан башынгы сакъла.
- Бек анасы джыламаз.
- Хар сёзню орну барды.
- Юйюнг бла джау болгъандан эсе, элинг бла джау бол.
- Уллу суу бла уллу ауруудан башынгы сакъла.
- Ауузу бла къуш тута айланады.
- Керилген да, ургъан кибикди.
- Битмегеннге сакъал – танг.
- Илму – джашауну джолу.
- Байлыкъ келсе, акъыл кетер.
- Дженгил джетерикме деб, узун джолну къоюб, къысхасын барма.
- Ауругъанны сау билмез, ач къарынны токъ билмез.
- Джюрек кёзден алгъа кёрюр.
- Халкъны джырын джырласанг, халкъ санга эжиу этер.
- Тиширыусуз юй – отсуз от джагъа.
- Джаш болсун, къыз болсун, акъылы, саны тюз болсун.
- Ёзденликни джайгъан – джокълукъ.
- Тик ёргени, тик энгишгеси да болады.
- Келинни – келгинчи, бёркню кийгинчи кёр.
- Ач къарным, тынч къулагъым.
- Акъыллы эркиши атын махтар, акъылсыз эркиши къатынын махтар.
- Чомартны къолу берекет.
- Сёлеш деб шай берген, тохта деб, сом берген.
Профиль
|
|
|
|||