- Аманны къуугъан, аманлыкъ табар.
- Хунаны тюбюн къазсанг, юсюнге ауар.
- Тас болгъан бычакъны сабы – алтын.
- Ашыкъгъанны этеги бутуна чырмалыр.
- Ётген ёмюр – акъгъан суу.
- Окъумагъан сокъурду, сокъур ташха абыныр!
- Асхат ашлыкъ сата, юйдегиси ачдан къата.
- Ашатыргъа иш – ашхы, ишлетирге аш – ашхы.
- Ауругъан – джашаудан умутчу.
- Аджалсыз ёлюм болмаз.
- Ишни аллы бла къууанма да, арты бла къууан.
- Намыс болмагъан джерде, насыб болмаз.
- Аманны тукъумуна къарама, игини тукъумун сорма.
- Ач – эснер, ат – кишнер.
- Аман хансны – урлугъу кёб.
- Джиби бир къат джетмей эди да, эки къат тарта эди.
- Ургъан суудан башынгы сакъла.
- Дууулдаса – бал чибин, къонса – къара чибин.
- Къулакъдан эсе, кёзге ышан.
- Ашхы сёз таш тешер.
- Гырджын – тепсини тамадасы.
- Тилсиз миллет джокъ болур.
- Айтхан – тынч, этген – къыйын.
- Кёлю джокъну – джолу джокъ.
- Джумушакъ сёз къаты таякъны сындырыр.
- Ишге юренсин къоллары, халкъ бла болсун джоллары.
- Баш – акъыл ючюн, акъылман – халкъ ючюн.
- Билим къая тешер.
- Суу да къайтады чыкъгъан джерине.
- Чомартха Тейри да борчлуду.
- Билимли ёлмез, билимсиз кёрмез.
- Бозанг болмагъан джерге, къалагъынгы сукъма.
- Хатерли къул болур.
- Акъыл бла адеб эгизледиле.
- Чыкълы кюнде чыкъмагъан, чыкъса къуру кирмеген.
- Туз, гырджын аша, тюзлюк бла джаша.
- Дженгил джетерикме деб, узун джолну къоюб, къысхасын барма.
- Аз айтсам, кёб ангылагъыз.
- Биреуге аманлыкъ этиб, кесинге игилик табмазса.
- Акъыл неден да кючлюдю.
- Юре билмеген ит, къонакъ келтирир.
- Чабакъсыз кёлге къармакъ салгъанлыкъгъа, чабакъ тутмазса.
- Магъанасыз сёз – тауушсуз сыбызгъы.
- Ач бёрюге мекям джокъ.
- Кёбден умут этиб, аздан къуру къалма.
- Аманны эки битли тону болур, бирин сеннге кийдирир, бирин кеси киер.
- Тулпарлыкъ, билекден тюл – джюрекден.
- Къарт бла баш аша, джаш бла аякъ аша.
- Тил – кесген бычакъ, сёз – атылгъан окъ.
- Аш хазыр болса, иш харам болур.
Профиль
|
ponderkeen
 Эльбрусоид
Баллов: 0
Регистрация: 07.11.2020
Последний визит: 07.11.2020 15:06:15
|
|
||||||||
|
|
|
||||||||