- Уллу айтханны этмеген – уллаймаз.
- Айырылмаз джууугъунга, унутмаз сёзню айтма.
- Сабийликде юретмесенг, уллу болса – тюзелмез.
- Олтуруб кёрюнмей эди да, ёрге туруб кёрюне эди.
- Гитче джилтин уллу элни джандырыр.
- Къазанда болса, чолпугъа чыгъар.
- Къуру гыбыт бек дыгъырдар.
- Джюрек кёзден алгъа кёрюр.
- Нарт сёз къарт болмаз.
- Ачыкъ джюрекге джол – ачыкъ.
- Къарнынг бла ёч алма.
- Къонагъынгы артмагъын алма да, алгъышын ал.
- Тойгъан джерге джети къайт.
- Ушамагъан – джукъмаз.
- Байлыкъ келсе, акъыл кетер.
- Айыбны суу бла джууалмазса.
- Джаш болсун, къыз болсун, акъылы, саны тюз болсун.
- Джети тилни билген джети кишиди.
- Босагъагъа джууукъ орун болса, ашыгъыб тёрге озма.
- Тынгылагъан тынгы бузар.
- Тил джюрекге джол ишлейди.
- Джашынгы кесинг юретмесенг, джашау юретир.
- Рысхы джалгъанды: келген да этер, кетген да этер.
- Джырына кёре эжиую.
- Терслик кетер, тюзлюк джетер.
- Акъыллы айтыр эди, акъылсыз къоймайды.
- Ата – баланы уясы.
- Ачыу алгъа келсе, акъыл артха къалады.
- Керти сёзге тёре джокъ.
- Тойгъанлыкъ къойгъа джарашады.
- Кёлю джокъну – джолу джокъ.
- Чомартха хар кюн да байрамды.
- Эр сокъур болсун, къатын тилсиз болсун.
- Билим насыб берир, билим джолну керир.
- Кийиминг бла танылма, адамлыкъ бла таныл.
- Байма, деб да, къууанма, джарлыма, деб да, джылама.
- Билген билмегенни юретген адетди.
- Хансыз джомакъ болмаз.
- Татлы сёз – балдан татлы.
- Нарт сёз – тилни бети.
- Аз айтсам, кёб ангылагъыз.
- Тешигини къатында, чычхан да батыр болур.
- Къонакъны къачан кетерин сорма, къачан келлигин сор.
- Хантына кёре тузу, юйюне кёре къызы.
- Адам сёзге тынгыла, акъыл сёзню ангыла.
- Этни да ашады, бетни да ашады.
- Ашатыргъа иш – ашхы, ишлетирге аш – ашхы.
- Къызбайны юйюне дери сюрсенг, батыр болур.
- Гугук кесини атын айтыб къычыргъанча, мен, мен деб нек тураса?
- Джуртун къоругъан озар.
Профиль
|
bosomtape
 Эльбрусоид
Баллов: 0
Регистрация: 02.12.2020
Последний визит: 02.12.2020 09:50:06
|
|
||||||||
|
|
|
||||||||