- Къолу уллу – асыу, аягъы уллу – джарсыу.
- Къазанда болса, чолпугъа чыгъар.
- Суугъа – таянма, джаугъа – ийнанма.
- Чомартха Тейри да борчлуду.
- Ана къойну – балагъа джандет.
- Ашха уста, юйюнде болсун
- Ашхы атаны – джашы ашхы, ашхы ананы – къызы ашхы.
- Джуртун къоругъан озар.
- Аллахха ийнаннган кишини, Аллах онгдурур ишин.
- Къартны бурнун сюрт да, оноугъа тут.
- Айтханы чапыракъдан ётмеген.
- Садакъачыны джаны – къапчыгъында.
- Юйлю уругъа ит чабмаз.
- Ачны эсинде – аш.
- Байлыкъ болгъан джерде, тынчлыкъ джокъду.
- Адам сёзюнден белгили.
- Тойгъан джерге джети къайт.
- Адебсиз адам – джюгенсиз ат.
- Чёбню кёлтюрсенг, тюбюнден сёз чыгъар.
- Уруну арты – къуру.
- Керек ташны ауурлугъу джокъ.
- Къан бла кирген, джан бла чыгъар.
- Аджалсыз ёлюм болмаз.
- Сёз къанатсыз учар.
- Халкъны джырын джырласанг, халкъ санга эжиу этер.
- Юй кюйдю да, кюйюз чыкъды, ортасындан тюйюш чыкъды.
- Чомарт къонакъ юй иесин сыйлар.
- Уллу сёлешме да, уллу къаб.
- Эл бла кёргенинг эрелей.
- Аш хазыр болса, иш харам болур.
- Ойнай билмеген, уруб къачар.
- Бети къызарыучу адамны, джюреги харам болмаз.
- Къартны сыйын кёрмеген, къартлыгъында сыйлы болмаз.
- Аман адам этегингден тутса, кес да къач.
- Эрни эр этерик да, къара джер этерик да, тиширыуду.
- Тюзню ётмеги тюзде къалса да, тас болмаз.
- Келгинчи, къонакъ уялыр, келгенден сора, къонакъбай уялыр.
- Эли джокъну – кёлю джокъ.
- Болджал ишни бёрю ашар.
- Аллахдан тилесенг, кёб тиле.
- Арпа, будай – ащды, алтын, кюмюш а – ташды.
- Ишлегенден, къарагъан уста.
- Тюкюрюк баш джармаз, налат кёз чыгъармаз!
- Къая джолда джортма, ачыкъ сёзден къоркъма.
- Ачлыкъда тары гырджын халыуадан татлы.
- Бек анасы джыламаз.
- Къанны къан бла джуума, аманны аман бла къуума.
- Тойну къарнашы – харс, джырны къарнашы – эжиу.
- Суу ичген шауданынга тюкюрме.
- Элге къуллукъ этмеген, элге ие болмаз.
Профиль
|
besidefraud
 Эльбрусоид
Баллов: 0
Регистрация: 09.12.2020
Последний визит: 09.12.2020 10:49:46
|
|
||||||||
|
|
|
||||||||