- Хар адамгъа кеси миннген тау кибик.
- Ёксюзню къалачы уллу кёрюнюр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эркишиге тары кебек танг кёрюнюр.
- Тойгъан джерден туугъан джер игиди.
- Ёлюк кебинсиз къалмаз.
- Орундукъ тюбюнде атылсам да, орта джиликме, де да айлан.
- Чарсда алчыны эл кёреди.
- Къарын къуру болса, джюрек уру болур.
- Ач, тоймам, дейди, тойгъан, ач болмам, дейди.
- Ачыкъ джюрекге джол – ачыкъ.
- Эл ауузу – элия.
- Биреу къой излей, биреу той излей.
- Джаралыны джастыгъында сау ёлюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кюлме джашха – келир башха.
- Ёмюрлюк шохлукъну джел элтмез.
- Уясында не кёрсе, учханында аны этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Иги болса, тамадама – махтау, аман болса, меннге – айыб.
- Ишни ахырын ойламай, аллын башлама.
- Ишлегенден, къарагъан уста.
- Бир онгсуз адам адет чыгъарды, деб эштирик тюлсе.
- Ашхы – джыяр, аман – джояр.
- Къазанны башы ачыкъ болса, итге уят керекди.
- Аджашханны ызындагъы кёреди, джангылгъанны джанындагъы биледи.
- Джырчы ёлсе, джыры къалыр.
- Тил – миллетни джаны.
- Байлыкъ адамны сокъур этер.
- Тёзген – тёш ашар!
- Берекет берсин деген джерде, берекет болур.
- Аджал соруб келмез, келсе, къайтыб кетмез.
- Нёгерсизни джолу узун.
- Чомарт къолда мал къалмаз.
- Тили узунну, намысы – къысха.
- От кюйдюрген, сау болса да, тот кюйдюрген, сау болмаз.
- Элиб деген, элге болушур.
- Эр сокъур болсун, къатын тилсиз болсун.
- Къызгъанчдан ычхыныр, мухардан ычхынмаз.
- Кийим тукъум сордурур.
- Тилчиден кери бол.
- Адамны аты башхача, акъылы да башхады.
- Ашарыкъда сайлагъаннга – чий гырджын.
- Сагъыш – къартлыкъгъа сюйюмчю.
- Чомарт къонакъ юй иесин сыйлар.
- Ауузу аманнга «иги», деме.
- Къарт айтханны этмеген, къартаймаз.
- Хар зат кесини орнуна иги.
- Акъыл сабырлыкъ берир.
- Мадар болса, къадар болур.
Профиль
|
cloudcarpet1
 Эльбрусоид
Баллов: 0
Регистрация: 05.03.2021
Последний визит: 05.03.2021 17:55:35
|
|
||||||||
|
|
|
||||||||