- Ёлмесенг да, къарт дамы болмазса?
- Сёлеш деб шай берген, тохта деб, сом берген.
- Садакъачыны джаны – къапчыгъында.
- Байны оноуу, джарлыгъа джарамаз.
- Джырчы ёлсе, джыры къалыр.
- От этилмеген джерден тютюн чыкъмайды.
- Биреуню эскиси биреуге джангы болмайды.
- Таякъ этден ётер, тил сюекден ётер.
- Иги сёз – джаннга азыкъ, аман сёз башха – къазыкъ.
- Кюлме джашха – келир башха.
- Къарнынг ауруса, ауузунгу тый
- Шайтан алдады, тюзлюк къаргъады.
- Туз, гырджын аша, тюзлюк бла джаша.
- Гитче джилтин уллу элни джандырыр.
- Таш ата билмеген, башына урур.
- Чомарт джарлы болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Тёрени джагъы джокъ.
- Aдам боллукъ, сыфатындан белгили.
- Арыгъан къош чамчы болур.
- Тилсиз миллет джокъ болур.
- Азыкъ аз болса, эртде орун сал.
- Ауурну тюбю бла, дженгилни башы бла джюрюген.
- Ауругъаннга – кийик саулукъ, джетген къызгъа – чилле джаулукъ.
- Тёзген – тёш ашар!
- Сабийликде юретмесенг, уллу болса – тюзелмез.
- Ишлерге уял да, ашаргъа табма.
- Тил джюрекге джол ишлейди.
- Аджашхан тёгерек айланыр.
- Ата Джуртун танымагъан, атасын да танымаз.
- Кёб джашагъан – кёб билир.
- Юйюнгден чыкъдынг – кюнюнгден чыкъдынг.
- Аш хазыр болса, иш харам болур.
- Сёз – кюмюш, джыр – алтын.
- Ачлыкъ отха секиртир.
- Сакъалы текени да бар, мыйыгъы киштикни да бар.
- Илму – джашауну джолу.
- Нарт сёз – тилни бети.
- Аз айтсам, кёб ангылагъыз.
- Кенгеш болса, уруш болмаз.
- Келинин тута билмеген, къул этер, къызын тута билмеген, тул этер.
- Джылар джаш, атасыны сакъалы бла ойнар.
- Билим ат болуб да чабар, къуш болуб да учар.
- Суу кетер, таш къалыр.
- Джогъун бар этген, барын бал этген.
- Аурууну келиую тынч, кетиую – къыйын.
- Тойгъан антын унутур.
- Джылкъыдан – ат чыгъар, тукъумдан – джаш чыгъар.
- Сютню башын джалагъан къутулур, тюбюн ичген тутулур.
- Къууут – джелге, берне – бошха.
Профиль
|
victortenet3
 Эльбрусоид
Баллов: 0
Регистрация: 16.03.2021
Последний визит: 16.03.2021 12:10:09
|
|
||||||||
|
|
|
||||||||