Эльбрусоид :: Форум

Келгинчи, къонакъ уялыр, келгенден сора, къонакъбай уялыр.
Атынг аманнга чыкъгъандан эсе, джанынг тамагъынгдан чыкъсын.
Экеулен сёлеше тура эселе, орталарына барыб кирме.
Бет бетге къараса, бет да джерге къарар.
Тилчиден кери бол.
Чомартны къолу берекет.
Окъугъан озар, окъумагъан тозар.
Арпа, будай – ащды, алтын, кюмюш а – ташды.
Гырджын – тепсини тамадасы.
Аллахха ийнаннган кишини, Аллах онгдурур ишин.
Мухар, кеси тойса да, кёзю тоймаз.
Кесинг сынамагъан затны, адамгъа буюрма.
Джырчы ёлсе, джыры къалыр.
Тюзлюк шохлукъну бегитир.
Тас болгъан бычакъны сабы – алтын.
Тойчу джашха къарама, къойчу джашха къара.
Тин – байлыгъынг, терен саулугъунг.
Тамчы таш тешер.
Къонакъ болсанг, ийнакъ бол.
Адамгъа аман кюн соруб келмейди.
Къарнынг ауруса, ауузунгу тый
Аман эсирсе, юйюн ояр.
Байны оноуу, джарлыгъа джарамаз.
Джангызны оту джарыкъ джанмаз!
Кёб джашагъан – кёб билир.
Окъугъан – асыу, окъумагъан – джарсыу.
Къанны къан бла джуума, аманны аман бла къуума.
Накъырданы арты керти болур.
Кюн – узун, ёмюр – къысха.
Эртде тургъан бла эртде юйленнген сокъуранмаз.
Къызбайны юйюне дери сюрсенг, батыр болур.
Тёрдеги кюлсе, эшикдеги ышарыр.
Таугъа чыгъаллыкъ эсенг, тюзде къалма.
Къуллукъчума, деб махтанма, къуллукъ – хаух джамчыды!
Юйюнг бла джау болгъандан эсе, элинг бла джау бол.
Бичгенде ашыкъма, тикгенде ашыкъ.
Акъыл къартда, джашда тюйюлдю – башдады.
Накъырда – кертини келечиси.
Ёгюзню мюйюзюнден тутадыла, адамны сёзюнден тутадыла.
Чакъырылмай келген къонакъ сыйланмай кетер.
Нафысынгы айтханын этме, намысынгы айтханын эт.
Биреу къой излей, биреу той излей.
Билим къая тешер.
Кенгеш болса, уруш болмаз.
Къазанчы аман болса, къазаны къайнамаз.
Къонагъынгы артмагъын алма да, алгъышын ал.
Тенгинг джокъ эсе – изле, бар эсе – сакъла!
Ашхылыкъ джерде джатмайды, аманлыкъ суугъа батмайды.
Къайгъыны сюйген, къайгъы табар.
Минг тенг да азды, бир джау да кёбдю.

Логин:
Пароль:
	Запомнить меня на этом компьютере

Забыли свой пароль?
Регистрация