Эльбрусоид :: Форум

Айырылгъанланы айю ашар, бёлюннгенлени бёрю ашар.
Ёгюзню мюйюзлери ауурлукъ этмейдиле.
Ёзденликни джайгъан – джокълукъ.
Ачылгъан эт джабылыр, кёрген кёз унутмаз.
Окъдан джара эртде-кеч болса да бителир, сёз джара, ёмюрге къалыр.
Бермеген къол, алмайды.
Айраннга суу къош, телиге джол бош.
Керти сёзге тёре джокъ.
Этим кетсе да, сюегим къалыр.
Азыкълы ат арымаз, къатыны аман джарымаз.
Айтылгъан буйрукъ, сёгюлмез
Аш иеси бла татлыды.
Байлыкъ келсе, акъыл кетер.
Джылкъыдан – ат чыгъар, тукъумдан – джаш чыгъар.
Джарлы тюеге минсе да, ит къабар.
Рысхысына кёре, джаш ёсер, къышлыгъына кёре, мал ёсер.
Джарашыу сюйген – джалынчакъ.
Адеб базарда сатылмаз.
Чабар ат – джетген къыз.
Джахил болса анасы, не билликди баласы?
Аууздан келген, къолдан келсе, ким да патчах болур эди.
Ариу сёз – къылычдан джити.
Ана къойну – балагъа джандет.
Бир абыннган – минг сюрюнюр.
Ашхы болсанг, атынг чыгъар, аман болсанг, джанынг чыгъар.
Чёбню кёлтюрсенг, тюбюнден сёз чыгъар.
Халкъны юйю – туугъан джери.
Джюрекден джюрекге джол барды.
Эркишини аманы тиширыуну джылатыр.
Эллинг бла джау болсанг да, юйюнг бла джау болма.
Юре билмеген ит, къонакъ келтирир.
Чомартны къолу берекет.
Эки къатын алгъан – эки ташны ортасына башын салгъан.
Аманнга игилик этсенг, юйюнге сау бармазса.
Бозанг болмагъан джерге, къалагъынгы сукъма.
Тешик этген тынчды, аны джамагъан къыйынды.
Бюгюн дуния кибик, тамбла ахыратды.
Тюзню ётмеги тюзде къалса да, тас болмаз.
Кёбге таш атма.
Накъырда – кертини келечиси.
Биреу ашаб къутулур, биреу джалаб тутулур.
Элде адам къалмаса, ит тахтагъа минер.
Ётген ёмюр – акъгъан суу.
Бек ашыкъгъан меннге джетсин, дегенди аракъы.
Тиширыусуз юй – отсуз от джагъа.
Къонакъ хазыр болгъанлыкъгъа, къонакъбай хазыр тюлдю.
Ауругъанны сау билмез, ач къарынны токъ билмез.
Эл ауузу – элек, анга ийнаннган – халек.
Къарнынг бла ёч алма.
Сютню башын джалагъан къутулур, тюбюн ичген тутулур.

Логин:
Пароль:
	Запомнить меня на этом компьютере

Забыли свой пароль?
Регистрация