Эльбрусоид :: Форум

Арпа, будай – ащды, алтын, кюмюш а – ташды.
Бал ашаргъа сюе эсенг, чибин ургъаннга тёз.
Къуллукъчума, деб махтанма, къуллукъ – хаух джамчыды!
Бир абыннган – минг сюрюнюр.
Къыз тиширыу кеси юйюнде да къонакъды.
Суу да къайтады чыкъгъан джерине.
Ач къарным, тынч къулагъым.
Къошда джокъгъа – юлюш джокъ.
Тюзлюк шохлукъну бегитир.
Къызын тута билмеген, тул этер, джашын тута билмеген, къул этер.
Ёнгкюч къууана барыр, джылай келир.
Ёмюрлюк шохлукъну джел элтмез.
Тойгъан антын унутур.
Ачылгъан эт джабылыр, кёрген кёз унутмаз.
Рысхы – насыбха къор.
Ашлыкъ – бюртюкден, джюн – тюкден.
Джыгъылгъанны сырты джерден тоймаз.
Рысхы джалгъанды: келген да этер, кетген да этер.
Гырджын – тепсини тамадасы.
Джерни букъусу кёкге къонмаз.
Оюмсуз атлагъан, аджалсыз ёлюр.
Къобан да къуру да къобханлай турмайды, адам да къуру да патчахлай турмайды.
Сууда джау джокъ, кёб сёзде магъана джокъ.
Къатыны харакетли болса, эри къымсыз болур.
Тил джюрекге джол ишлейди.
Окъугъан – асыу, окъумагъан – джарсыу.
Ёпкелегенни ашы татлы болады.
Биреу ашаб къутулур, биреу джалаб тутулур.
Кёзюнде тереги болгъан, чёбю болгъаннга кюле эди.
Кийим тукъум сордурур.
Окъуу – билимни ачхычы, окъуу – дунияны бачхычы.
Бозаны арты дауур болур.
Келинни – келгинчи, бёркню кийгинчи кёр.
Адамгъа аман кюн соруб келмейди.
Рысхы – сют юсюнде кёмюк кибикди.
Ауругъаннга – кийик саулукъ, джетген къызгъа – чилле джаулукъ.
Къартны бурнун сюрт да, оноугъа тут.
Аман киши кеси юйюнде – къонакъ.
Чалманны аллы къалай башланса, арты да алай барады.
Таш ата билмеген, башына урур.
Ойнай билмеген, уруб къачар.
Ашаса, ашамаса да, бёрюню ауузу – къан.
Айныгъанлы алты кюн, тогъайгъанлы тогъуз кюн.
Адамны аманы адамны бети бла ойнар.
Джылар джаш, атасыны сакъалы бла ойнар.
Билими азны – ауузунда кирит.
Ач бёрюге мекям джокъ.
Башланнган иш битер, къымылдагъан тиш тюшер.
Ишге юренсин къоллары, халкъ бла болсун джоллары.
Айыбны суу бла джууалмазса.

Логин:
Пароль:
	Запомнить меня на этом компьютере

Забыли свой пароль?
Регистрация