- Джарлыны тону джаз битер.
- Кёб джашагъан – кёб билир.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таш ата билмеген, башына урур.
- От этилмеген джерден тютюн чыкъмайды.
- Узун джолну барсанг, бюгюн келирсе, къысха джолну барсанг, тамбла келирсе.
- Aдам боллукъ, сыфатындан белгили.
- Ариу сёз – джаннга азыкъ, аман сёз – башха къазыкъ.
- Огъурлуну сёзю – суу, огъурсузну сёзю – уу.
- Джангызны оту джарыкъ джанмаз!
- Баланы адам этген анады.
- Тенгни тенглиги джашай барсанг билинир.
- Къатыны харакетли болса, эри къымсыз болур.
- Душманны тышы – акъ, ичи – къара.
- Эл элде бирер малынг болгъандан эсе, бирер тенгинг болсун.
- Аманны къуугъан, аманлыкъ табар.
- Аман къатын сабий табса, бий болур…
- Келлик заман – къартлыкъ келтирир, кетген заман – джашлыкъ ёлтюрюр.
- Ашда – бёрю, ишде – ёлю.
- Агъач – джерни чырайы, кийим – эрни чырайы.
- Джаханимни кёрмей, джандетге кёл салмазса.
- Хунаны тюбюн къазсанг, юсюнге ауар.
- Ашхы – джыяр, аман – джояр.
- Тёрде – темир таякълы, къаяда – чыпчыкъ аякълы.
- Ауругъаннга – кийик саулукъ, джетген къызгъа – чилле джаулукъ.
- Тилчиден кери бол.
- Таякъ этден ётер, тил сюекден ётер.
- Тай асырагъан, атха минер.
- Кёзден кетген, кёлден да кетеди.
- Ауузу аманнга «иги», деме.
- Тойну къарнашы – харс, джырны къарнашы – эжиу.
- Минг тенг да азды, бир джау да кёбдю.
- Ишленмеген джаш – джюгенсиз ат, ишленмеген къыз – тузсуз хант.
- Къонагъы джокъну – шоху джокъ.
- Джюрекге ариу – кёзге да ариу.
- Болджал ишни бёрю ашар.
- Къызны минг тилер, бир алыр.
- Хансыз джомакъ болмаз.
- Джети тилни билген джети кишиди.
- Къыз келсе, джумуш эте келеди, къатын келсе, ушакъ эте келеди.
- Кёзюнде тереги болгъан, чёбю болгъаннга кюле эди.
- Халкъны джырын джырласанг, халкъ санга эжиу этер.
- Джашлыкъ этмеген, башлыкъ этмез.
- Адам къыйынлыгъын кёлтюрюр, зауукълугъун кёлтюрмез.
- Хар зат кесини орнуна иги.
- Дуния аламаты сен эсенг да, игиме деб айтма.
- Хантына кёре тузу, юйюне кёре къызы.
- Къарнынг тойгъунчу аша да, белинг талгъынчы ишле.
- Ач келгенни – тойдур, кеч келгенни – къондур.
- Ёлюр джаннга, ёкюл джокъ.
Профиль
|
offendtopic
 Эльбрусоид
Баллов: 0
Регистрация: 16.02.2022
Последний визит: 16.02.2022 07:48:56
|
|
||||||||
|
|
|
||||||||