- Аманны къуугъан, аманлыкъ табар.
- Джырына кёре эжиую.
- Байлыкъ келсе, акъыл кетер.
- Элге къуллукъ этмеген, элге ие болмаз.
- Халкъгъа джарагъан, джарлы къалмаз.
- Аджашханны ызындагъы кёреди, джангылгъанны джанындагъы биледи.
- Тюкюрюк баш джармаз, налат кёз чыгъармаз!
- Нарт сёз – тилни бети.
- Кёбню кёрген – кёб билир.
- Джуртун къоругъан озар.
- Ёксюзню тилеги къабыл болур.
- Бет бетге къараса, бет да джерге къарар.
- Баш – акъыл ючюн, акъылман – халкъ ючюн.
- Тай асырагъан, атха минер.
- Мураты болгъанны джюрек тебюую башхады.
- Юйлю уругъа ит чабмаз.
- Джан саулукъ бермей, сан саулукъ бермезсе.
- Итли къонакъ джарашмаз.
- Тил – миллетни джаны.
- Ичимден чыкъды хата, къайры барайым сата?
- Къралынгы – душмандан, башынгы от бла суудан сакъла.
- Ата – баланы уясы.
- Бёрю да ач къалмасын, эчки да ашалмасын.
- Къарнынг тойгъунчу аша да, белинг талгъынчы ишле.
- Адеб этмеген, адеб кёрмез.
- Иги болса, тамадама – махтау, аман болса, меннге – айыб.
- Чакъырылмай келген къонакъ сыйланмай кетер.
- Хата – гитчеден.
- Хоншуну тауугъу къаз кёрюнюр, келини къыз кёрюнюр.
- Ётюрюкню башын керти кесер.
- Ёлген ийнек сютлю болур.
- Билмезни кёзю кёрмез, этмезни къулагъы эшитмез.
- Эртде тургъан джылкъычыны эркек аты тай табар.
- Ашда – бёрю, ишде – ёлю.
- Таукел къуру къалмаз.
- Магъанасыз сёз – тауушсуз сыбызгъы.
- Аман къатын алгъан, арыр, иги къатын алгъан джарыр.
- Бек анасы джыламаз.
- Билгенни къолу къарны джандырыр.
- Рысхы джалгъанды: келген да этер, кетген да этер.
- Ашлыкъ – бюртюкден, джюн – тюкден.
- Ишге юренсин къоллары, халкъ бла болсун джоллары.
- Кёбге таш атма.
- Къонакъ болсанг, ийнакъ бол.
- Ана – юйню кюн джарыгъы.
- Къызгъанчдан ычхыныр, мухардан ычхынмаз.
- Керти сёзге тёре джокъ.
- Хатерли къул болур.
- Таш ата билмеген, башына урур.
- Тюзню ётмеги тюзде къалса да, тас болмаз.
Профиль
|
demeanrash
 Эльбрусоид
Баллов: 0
Регистрация: 24.02.2022
Последний визит: 24.02.2022 15:37:27
|
|
||||||||
|
|
|
||||||||