- Баргъанынга кёре болур келгенинг.
- Сёз садакъдан кючлюдю.
- Къарт айтханны этмеген, къартаймаз.
- Тюз сёз баргъан сууну тыяр.
- Сёлеш деб шай берген, тохта деб, сом берген.
- Аджаллыгъа окъсуз шкок атылыр.
- Аджалсыз ёлюм болмаз.
- Чакъырылмай келген къонакъ сыйланмай кетер.
- Юйлю уругъа ит чабмаз.
- Къонагъы джокъну – шоху джокъ.
- Игиге айтсанг – билир, аманнга айтсанг – кюлюр.
- Къатын байлыкъны сюер, эр саулукъну сюер.
- Эл элде бирер малынг болгъандан эсе, бирер тенгинг болсун.
- Мухарны эси – ашарыкъда.
- Гугурук къычырмаса да, тангны атары къалмаз.
- Дуния мал дунияда къалады.
- Мен да «сен», дейме, сен да «кесим», дейсе.
- Аджашхан тёгерек айланыр.
- Халкъны джырын джырласанг, халкъ санга эжиу этер.
- Эри аманны, къатыны – аман.
- Тойгъан джерден туугъан джер игиди.
- Ишин билген, аны сыйын чыгъарады.
- Ашатыргъа иш – ашхы, ишлетирге аш – ашхы.
- Эки къатын алгъанны къулагъы тынгнгаймаз.
- Адамны адамлыгъы къыйынлыкъда айгъакъланады.
- Эшекни не къадар тюйсенг да, ат болмаз.
- Ётюрюкню башын керти кесер.
- Рысхысына кёре, джаш ёсер, къышлыгъына кёре, мал ёсер.
- Бети – къучакълар, джюреги – бычакълар.
- Миллетни бойну – базыкъ, аны бла кюрешген – джазыкъ.
- Ургъан суудан башынгы сакъла.
- Эринчекге кюн узун.
- Къатыны харакетли болса, эри къымсыз болур.
- Къар – келтирди, суу – элтди.
- Атлыны ашхысы, ат тизгининден билинир
- Ачыкъ джюрекге джол – ачыкъ.
- Ариу сёз – джаннга азыкъ, аман сёз – башха къазыкъ.
- Къыз чыгъаргъан – къызыл къымжа.
- Аман киши кеси юйюнде – къонакъ.
- Къыйынлы джети элни къайгъысын этер.
- Къонакъны къачан кетерин сорма, къачан келлигин сор.
- Акъылсызны джууукъгъа алма, акъыллыны кенгнге салма.
- Ашын ашагъанынгы, башын да сыйла.
- Эртде тургъан бла эртде юйленнген сокъуранмаз.
- Сёз къанатсыз учар.
- Халкъны юйю – туугъан джери.
- Кимни – тили, тиши онглу, кимни – къолу, иши онглу.
- Башынга джетмегенни сорма.
- Аджашханны ызындагъы кёреди, джангылгъанны джанындагъы биледи.
- Джарашыу сюйген – джалынчакъ.
Профиль
|
|
|
|||