- Тенгни тенглиги джашай барсанг билинир.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёпкелегенни ашы татлы болады.
- Ётюрюкню башын керти кесер.
- Къыз чыгъаргъан – къызыл къымжа.
- Айтхан – тынч, этген – къыйын.
- Билимсиз иш бармаз.
- Окъуусуз билим – джокъ, билимсиз кюнюнг – джокъ.
- Рысхы – насыбха къор.
- Тойгъанлыкъ къойгъа джарашады.
- Аманнга игилик этсенг, юйюнге сау бармазса.
- Кёб ант этген, кёб ётюрюк айтыр.
- Адам туугъан джеринде, ит тойгъан джеринде.
- Ачлыкъ отха секиртир.
- Сабий кёргенин унутмаз.
- Байдан умут эте, джарлыдан ёгюз багъасы къорады.
- Мухарны эси – ашарыкъда.
- Тели турса – той бузар.
- Джыгъылгъанны сырты джерден тоймаз.
- Таугъа чыгъаллыкъ эсенг, тюзде къалма.
- Намыс болмагъан джерде, насыб болмаз.
- Джукъу тёшек сайламайды.
- Этек чакъмакълары баш джаргъан, сёлешген сёзлери таш джаргъан.
- Чакъырылмагъан къонакъ къачан кетерин сормаз.
- Байма, деб да, къууанма, джарлыма, деб да, джылама.
- Дуния мал дунияда къалады.
- Кёл – къызбай, къол – батыр.
- Ариуну – ауруу кёб.
- Ётюрюкчюню шагъаты – къатында.
- Джырчы джырчыгъа – къарнаш.
- Тюзлюк шохлукъну бегитир.
- Кёз – сюйген джерде, къол – ауругъан джерде.
- Гугурук къычырмаса да, тангны атары къалмаз.
- Этим кетсе да, сюегим къалыр.
- Джарлы джети элни сёзюн этер.
- Ашарыкъда сайлагъаннга – чий гырджын.
- Минг тенг да азды, бир джау да кёбдю.
- Къобан да къуру да къобханлай турмайды, адам да къуру да патчахлай турмайды.
- Тюзню ётмеги тюзде къалса да, тас болмаз.
- Ачыкъ джюрекге джол – ачыкъ.
- Сакъламагъан затынга джолукъсанг, не бек къууанаса, не бек ачыйса.
- Эл ауузу – элия.
- Чомарт къолда мал къалмаз.
- Джаралыны джастыгъында сау ёлюр.
- Элде адам къалмаса, ит тахтагъа минер.
- Чакъырылмагъан джерге барма, чакъырылгъан джерден къалма.
- Чёбню кёлтюрсенг, тюбюнден сёз чыгъар.
- Окъугъан озар, окъумагъан тозар.
- Сютден ауузу кюйген, суугъа юфгюре эди.
- Кеси юйюмде мен да ханма.
Профиль
|
|
|
|||