- Джырына кёре эжиую.
- Асхат ашлыкъ сата, юйдегиси ачдан къата.
- Рысхы джалгъанды: келген да этер, кетген да этер.
- Миллетни бойну – базыкъ, аны бла кюрешген – джазыкъ.
- Мал ёлсе, сюек къалыр, адам ёлсе, иши къалыр.
- Уллу атлама – абынырса, уллу къабма – къарылырса.
- Къартха ушагъан джаш – акъыллы, джашха ушагъан къарт – тели.
- Къоркъакъны кёзю экили кёрюр.
- Кёзню ачылгъаны – иги, ауузну джабылгъаны – иги.
- Тешигини къатында, чычхан да батыр болур.
- Кёбге таш атма.
- Билим – акъылны чырагъы.
- Тас болгъан бычакъны сабы – алтын.
- Этим кетсе да, сюегим къалыр.
- Джарлы эскисин джамаса, къууаныр.
- Ишлегенде эринме, ишде чолакъ кёрюнме.
- Аллахдан тилесенг, кёб тиле.
- Къонакъ болсанг, ийнакъ бол.
- Къыз келсе, джумуш эте келеди, къатын келсе, ушакъ эте келеди.
- Айтханы чапыракъдан ётмеген.
- Суугъа – таянма, джаугъа – ийнанма.
- Ариу – кёзге, акъыл – джюрекге.
- Эл элде бирер малынг болгъандан эсе, бирер тенгинг болсун.
- Иги болса, тамадама – махтау, аман болса, меннге – айыб.
- Ашаса, ашамаса да, бёрюню ауузу – къан.
- Насыблы элин сюер, насыбсыз кесин сюер.
- Таукел къуру къалмаз.
- Кюн – узун, ёмюр – къысха.
- Тыш элде солтан болгъандан эсе, кесинги элде олтан болгъан игиди!
- Тил бла келеди джыр да.
- Ариуну – ауруу кёб.
- Адеб базарда сатылмаз.
- Тойгъан антын унутур.
- Айтхан сёзюне табылгъан.
- Мен да «сен», дейме, сен да «кесим», дейсе.
- Гитче джилтин уллу элни джандырыр.
- Нёгер болсанг, тенг бол, тенг болмасанг, кенг бол.
- Къошда джокъгъа – юлюш джокъ.
- Бёрю да ач къалмасын, эчки да ашалмасын.
- Аманны къуугъан, аманлыкъ табар.
- Тойгъа барсанг, тоюб бар, эски тонунгу къоюб бар.
- Сёз къанатсыз учар.
- Эр абынмай, эл танымаз.
- Эрни эр этерик да, къара джер этерик да, тиширыуду.
- Сютден ауузу кюйген, суугъа юфгюре эди.
- Халкъгъа джарагъан, джарлы къалмаз.
- Юй ишлеген балта эшикде къалыр.
- Къозулугъунда тоймагъан, къойлугъунда тоймаз.
- Тойгъан джерге джети къайт.
- Сабийликде юретмесенг, уллу болса – тюзелмез.
Профиль
|
|
|
|||