- Ата Джуртуму башы болмасам да, босагъасында ташы болайым.
- Чабакъгъа акъыл, табагъа тюшсе келеди.
- Тойгъанлыкъ къойгъа джарашады.
- Кесине оноу эте билмеген, халкъына да эте билмез.
- Джолда аягъынга сакъ бол, ушакъда тилинге сакъ бол.
- Аурууну келиую тынч, кетиую – къыйын.
- Адеби болмагъан къыз – тузсуз хант.
- Мал ёлсе, сюек къалыр, адам ёлсе, иши къалыр.
- Эр сокъур болсун, къатын тилсиз болсун.
- Джолунга кёре – джюрюшюнг, джагъанга кёре – юлюшюнг.
- Акъыллы эркиши атын махтар, акъылсыз эркиши къатынын махтар.
- Айтылгъан сёз ызына къайтмаз.
- Аман адам элни бир-бирине джау этер.
- Ауузу аманнга «иги», деме.
- Шекер бла туз – бир болмаз, ушамагъан – юй болмаз.
- Ашатыргъа иш – ашхы, ишлетирге аш – ашхы.
- Бети – къучакълар, джюреги – бычакълар.
- Тюзню ётмеги тюзде къалса да, тас болмаз.
- Махтаннган къыз, тойда джукълар.
- Эл бла кёргенинг эрелей.
- Мухардан ач ычхынмаз.
- Джюрекден джюрекге джол барды.
- Сёлеш деб шай берген, тохта деб, сом берген.
- Билеги кючлю, бирни джыгъар, билими кючлю, мингни джыгъар.
- Тюкюрюк баш джармаз, налат кёз чыгъармаз!
- Тюзлюк шохлукъну бегитир.
- Къарнынг тойгъунчу аша да, белинг талгъынчы ишле.
- Ач да бол, токъ да бол – намысынга бек бол.
- Аякъларынгы джууургъанынга кёре узат.
- Къатын байлыкъны сюер, эр саулукъну сюер.
- Джан саулукъ бермей, сан саулукъ бермезсе.
- Аман хансны – урлугъу кёб.
- Ауузу бла къуш тута айланады.
- Айтханы чапыракъдан ётмеген.
- Ач уят къоймаз.
- Джарашыу сюйген – джалынчакъ.
- Къан бла кирген, джан бла чыгъар.
- Ач келгенни – тойдур, кеч келгенни – къондур.
- Ашарыкъда сайлагъаннга – чий гырджын.
- Тин – байлыгъынг, терен саулугъунг.
- Чакъырылмагъан къонакъ къачан кетерин сормаз.
- Рысхы – насыбха къор.
- Джырына кёре эжиую.
- Кёб ант этген, кёб ётюрюк айтыр.
- Къартны сыйын кёрмеген, къартлыгъында сыйлы болмаз.
- Джукъу тёшек сайламайды.
- Къонакъ хазыр болгъанлыкъгъа, къонакъбай хазыр тюлдю.
- Чабакъсыз кёлге къармакъ салгъанлыкъгъа, чабакъ тутмазса.
- Кюлме джашха – келир башха.
- Юй ишлеген балта эшикде къалыр.
Профиль
|
|
|
|||