Форум

http://www.elbrusoid.org/phorum/index.php?action=v thread&forum=22&topic=12314

Дата: 20 Янв 2011 15:23
Билал ЛАЙПАН

МИЛЛЕТ БОЛУР ЮЧЮН ЭМДА САКЪЛАНЫР ЮЧЮН
(Сыйрат Кёпюрде сагъышла)

Миллет неди? Неледен къуралады ол?
Биз ? къарачайлыла ? миллетбизми, тюлбюзмю?
Миллет эдик, энди уа миллетлигибиз седиреб, кетиб барады.
Не ючюн?

Къара иннетли билимли кючле миллет не болгъанын, аны тюб этер ючюн несин къурутургъа кереклисин бек ариу билгендиле, биледиле. Сталин миллетни былай суратлайды: ?Миллет деб, тарих къадары алай болуб, узакъ заманны ичинде тилини, динини, джуртуну, экономика джашаууну эмда къылыгъыны-халисини, адетини-культурасыны бирлигини тамалында къуралгъан, бирикген къауумгъа-джамагъатха айтадыла. Ол ышанладан джангыз бирин тас этсе да, халкъ миллетлигин тас этиб башлайды...?. Башха джерде уа, андан да кескин, андан да ачыкъ, андан да къаты айтады: ?Миллетни миллетлиги тюб болур ючюн, ол ышанладан бири кетсе да, джетерикди?.

Эсгертиу: былайда ?миллет? деб, ?халкъ? деген магъанада айтады Сталин. Биз да бу макаледе миллет деб, халкъ деген магъанада айтабыз.

Статьяны ахыры былай бошалады:

Сталин санагъан миллет шартла, седиреген эселе да, алкъын Къарачайдан кетиб бошамагъандыла.
Келе тургъан ёлюмню кёрюб, халкъ титирерге, кесин эскерирге боллукъду:

Джуртубузгъа Ие тюл эсек да, джуртубузда джашайбыз;
бегимеклигибиз кючлю тюл эсе да, иманыбыз-динибиз барды;
джарты-къурту сёлеше эсек да, Ана тилибизде сёлешалабыз;
адетибиз-культурабыз ата-бабаладача тюл эсе да, бираз хапарыбыз барды.

Бу ёмюр бизге сынау ёмюрдю, Сыйрат кёпюрдю: Адам эсек, Халкъ эсек ? ётерикбиз;
Не Ахыр Ёмюр неда Тирилиу Ёмюр боллукъду бу ёмюр бизге.
Къарачай адам, Къарачай халкъ ангылаймыды экен аны?!
Джашаргъа излесек ? джашарыкъбы. Ёлюрге излесек ? ёллюкбюз.
Сайлау берилгенди.

МИЛЛЕТ БОЛУР ЮЧЮН ЭМДА САКЪЛАНЫР ЮЧЮН
ол Сталинча фыргъауунла седиретген, седиретиб кюрешген миллет шартларыбызны сакъларгъа эмда айнытыргъа керекди.

Бу затны ангылаб, хар бирибиз къолдан келгенни этмесек - "Барс Эл" да, къалгъанлача, джана башлаб, джукъланыб къаллыкъды.

Папин Южак

Ата джурт - алтын бешик.
Ата джурт - атангы юйюнден артыкъ.
Ата джуртча джер болмаз, туугъан элча эл болмаз.
Ата джуртуму башы болмасам да, босагъасыны ташы болайым.
Ата джуртун сюймеген - атасын да сюймез.
Ата джуртун сюймей башха джуртну сюйген, башын сатхан кибикди.
Ата джуртун танымагъан, атасын да танымаз.
Ата джуртуну къоругъан озар, къорумагъан тозар.

Салам,Сюйюмлю Джамагъат!

Папин Южак
Sabr
Бек сау болугъуз!

Къралны ичинде, Кавказ Тауланы тёгерегинде ,ашхы юлгюге КъарачайМалкъар миллет айтылсын,саналсын!
"Барс Эл" бла, бири-бирибизни эшитиб,бирлешиб,джашауубузну кесибиз сюйгенча тюзетйик!
Были времена и потруднее,но мы же выстояли ,выдержали,сохранили,......для грядущих поколений наш сященный долг донести то- что перечислили Уважаемые Алий Хасанович и Билял.

Sabr

Билал ЛАЙПАН

МИЛЛЕТ БОЛУР ЮЧЮН ЭМДА САКЪЛАНЫР ЮЧЮН
(Сыйрат Кёпюрде сагъышла)

Миллет неди? Неледен къуралады ол?
Биз ? къарачайлыла ? миллетбизми, тюлбюзмю?
Миллет эдик, энди уа миллетлигибиз седиреб, кетиб барады.
Не ючюн?

Къара иннетли билимли кючле миллет не болгъанын, аны тюб этер ючюн несин къурутургъа кереклисин бек ариу билгендиле, биледиле. Сталин миллетни былай суратлайды: ?Миллет деб, тарих къадары алай болуб, узакъ заманны ичинде тилини, динини, джуртуну, экономика джашаууну эмда къылыгъыны-халисини, адетини-культурасыны бирлигини тамалында къуралгъан, бирикген къауумгъа-джамагъатха айтадыла. Ол ышанладан джангыз бирин тас этсе да, халкъ миллетлигин тас этиб башлайды...?. Башха джерде уа, андан да кескин, андан да ачыкъ, андан да къаты айтады: ?Миллетни миллетлиги тюб болур ючюн, ол ышанладан бири кетсе да, джетерикди?.

Эсгертиу: былайда ?миллет? деб, ?халкъ? деген магъанада айтады Сталин. Биз да бу макаледе миллет деб, халкъ деген магъанада айтабыз.

Статьяны ахыры былай бошалады:

Сталин санагъан миллет шартла, седиреген эселе да, алкъын Къарачайдан кетиб бошамагъандыла.
Келе тургъан ёлюмню кёрюб, халкъ титирерге, кесин эскерирге боллукъду:

Джуртубузгъа Ие тюл эсек да, джуртубузда джашайбыз;
бегимеклигибиз кючлю тюл эсе да, иманыбыз-динибиз барды;
джарты-къурту сёлеше эсек да, Ана тилибизде сёлешалабыз;
адетибиз-культурабыз ата-бабаладача тюл эсе да, бираз хапарыбыз барды.

Бу ёмюр бизге сынау ёмюрдю, Сыйрат кёпюрдю: Адам эсек, Халкъ эсек ? ётерикбиз;
Не Ахыр Ёмюр неда Тирилиу Ёмюр боллукъду бу ёмюр бизге.
Къарачай адам, Къарачай халкъ ангылаймыды экен аны?!
Джашаргъа излесек ? джашарыкъбы. Ёлюрге излесек ? ёллюкбюз.
Сайлау берилгенди.

МИЛЛЕТ БОЛУР ЮЧЮН ЭМДА САКЪЛАНЫР ЮЧЮН
ол Сталинча фыргъауунла седиретген, седиретиб кюрешген миллет шартларыбызны сакъларгъа эмда айнытыргъа керекди.

Бу затны ангылаб, хар бирибиз къолдан келгенни этмесек - "Барс Эл" да, къалгъанлача, джана башлаб, джукъланыб къаллыкъды.


Билал,

Салам, Джамагъат !

ШАТ
Алейкум салам!

Джамагъат дегенлейинге, 1990-чы джыллада "Джамагъат" организация тюшдю эсиме, эсиме талай тюрлю оюм да келди.

Бютеу айтылгъаннга дагъыда бир къошарым.
Бюгюннге дери бола келген ишлени кёрмегенча этерге джарарыкъ тюлдю. 1990-чы джылладача, халкъ энди ёрге турурму-турмазмы, Аллах билсин. Ол заманда къарачай миллетни бек кючлю ?Джамагъат? организациясы бар эди. Миллет идеясы да бар эди: ?Полная реабилитация карачаевского народа. Восстановление его национальной автономии, уничтоженной сталинским режимом?.
Ельцин да къабыл этгенден сора, ол идея ахырына нек джетмей къалгъаны белгилиди: Къарачай-Черкес областны башчылары халкъны толу реабилитациясы, къраллыгъы къайгъылы тюл, кеслерини къуллукъларын-шиндиклерин сакълар къайгъылы болдула. ?Къарачайны Сталин къурутхан къраллыгъын ызына къайтартмай къоймазбыз? деб, ант этген башчылары да ?Джамагъатны?, антларын унутуб, областны тамадаларыны джанына кёчдюле. Джамагъат экиге бёлюндю, халкъ суууду. Ма алай бла, халкъыбыз къраллыкъсыз къалды, реабилитациясы тамамланмады.

Халкъны 1990-чы джылладагъы кюрешин, излемин унутдурургъа излегенле - олсагъатда Миллет идеягъа къаршчы баргъанла неда къошулмай, бир джанындан къараб тургъанла - бюгюн ?халкъны бирикдирлик да, къутхарлыкъ да бизбиз? деселе, киши да ийнанмаз алагъа. 1990-чы джыллада болгъан ишлени материаллары ? тюзюча, болгъаныча ? ?Юйге Игилик? газетде, ?Ас-Алан? журналда эмда ?Карачаевцы. Выселение и возвращение? (Акт комисси по реабилитации карачаевского народа) деген китабда бардыла.

Джангы къурала тургъан организациядан магъана болур ючюн, 1990-чы джылланы ?Джамагъат? организациясы къалай къуралгъанын, къалай кюч алгъанын, ахыры да не ючюн оюлгъанын анализ этиб, оюмлашыб, иш алай къуралыргъа, барыргъа керек болур.

Тюздю, халкъны Миллет этген диниди, тилиди, джуртуду, тарихиди, культурасыды... Алай а, халкъ ол ышанларын сакълаяллыкъ тюлдю джыйымдыкъ областда, республикада джашаб турса. Къарачай кеси энчи област болгъан заман да (1926-1943 джылла) къаллай эди, джыйымдыкъ Къарачай-Черкес област, республика болгъанлы да (1957 джылдан бери) къаллайды ? тенглешдиригиз да къарагъыз.

Къалгъан халкъла Къарачайны ышыгъында миллет районларын да къурай, юлюшлерин да талай къатха артыгъы бла ала, джашай барадыла, Къарачай а, Миллет Юйюн да ызына сюеялмай, тилин, адетлерин да унута, къатышхандан къатыша барады. Джыйымдыкъ КЧР-де миллетле бир-бири бла эришгенден (национальное сопреничество) озуб, башха ишлеге орун къалмайды. Арт джыллада Къарачайны айтылыб тургъан эки онглу адамы президентлик къуллукъдан алай къуджур нек кетгенлери кёб затха кёзюбюзню ачаргъа керек эди...

Бютеу дунияда да халкъланы Миллет идеялары бирди: кеслерини энчи къралларын къурау. Анга къарыулары джетмесе, уллу къралны ичинде республикаларын къурау. Анга да къарыулары джетмесе, областларын неда миллет районларын къурау. Узун сёзню къысхасы ? хар миллет кесини энчи Элин, Миллет Юйюн къурар ючюн неда сакълар ючюн кюрешеди. Къайсы халкъны да миллет идеясы олду. Миллет Юйю болмагъан халкъ, джыйымдыкъ болады, башхаланы ичинде тас болады. Алай болса да...

?Барс Эл? эл сайын джыйылыула бардырыб, халкъ бла кенгешсе, сёлешсе ? Миллет Идея арагъа чыгъыб да къалыр. Халкъны бир джерге джыйыб, эсин-ангысын къозгъагъан ? къуру ол зат огъуна ? къайдан къайры баргъан затды.

Къарачай, Малкъар республикаланы неда Къарачай-Малкъар республиканы къураргъа бюгюн мадар джокъ эсе ? тёзейик, чыдайыкъ. Аллай мадар болгъунчу, аллай заман келгинчи тилибизни, джуртубузну, культурабызны... ? айтыргъа халкълыгъыбызны сакъларгъа кюрешейик.

Тамбла къралда, Кавказда да бек уллу тюрлениуле болургъа боллукъдула. СССР чачылгъанча, Россия да чачылыб кетерге боллукъду. Къралны законларын толтурургъа унамагъанла, Конституцион Сюдню оноууна бойсунмагъанла къралны къатышырына, чачылырына себеб боладыла.

Биз а - джангыз бир затны излейбиз: къралны законлары толсунла дейбиз, "О реабилитации репрессированных народов" Закон да...

Биз ? СССР-ни чачылырына да къаршчы эдик, Россияны чачылырына да къаршчыбыз. Алай а, къралланы оноуларын этген кючле башхадыла, аллай оноула бизге соруллукъ тюлдюле. Россия империя бизге сорулуб чачылмагъанды, СССР да бизге сорулуб чачылмагъанды.

Биз ? Россия Федерация чачылмаз ючюн къолдан келгенни эте тургъанлай, не тюрлю ситуациягъа да хазыр болургъа керекбиз. Алгъын ?ГТО? (?Готов к труду и обороне?) деб, бир зат болуучан эди. Аллайын, халкъыбызны эсин уятыб, кесин сакъларча этиу ? баш борчуду деб кёлюме келеди ?Барс Эл? организацияны. Барсны ол иннетин эслесе, халкъ, 1990-чы джыллада ?Джамагъатха? ийнаннганча, ийнанырыкъды анга да.

Форум хар ким кёлюне келгенни айтхан джерди ? аны ючюн джукъ тюрленир деб, билмейме.

Къралда, Къарачайда, Малкъарда да халны иги джанына тюрлендирирге излегенлеге, аны ючюн халкъ бла ишлегенлеге, Аллах кюч, онг берсин.

Къарачайны бирикдирлик идеяны табхан бек къыйынды.

Аллай идея бла, Солженицын айтхан "сбережение народа" идея бла, тамада къуллукъгъа, оноугъа ётген бек къыйынды. Бусагъатда башчыланы халкъ айырмайды, Кремль салады. Салгъанын да джакълаб кюрешмейди - Эбзе улуну юсюнде кёрдюк.
Генерал Семен улу, Конституцион Сюдню юйеси Эбзе улу онгсуз адамла тюл эдиле. Экисин да кесибизникиле - душманла бла биригиб - къурутмадыламы?

Ситуация бек къуджурду - аны тюрлендирир ючюн, халкъны миллет ангысын тюрлендирирге керекди. Миллетим деген адам - оноугъа тюшалмайды, тюшсе да кетередиле.

Бизге эркин басма, телевизион канал, радио амалсыз керекди. "Аууз кимде болса - Эл анда" дегендиле буруннгула. Бюгюннгю кюнню ауузу - СМИ-ди. Эркин СМИ джокъду Къарачай-Малкъарда. Сора халкъ бла къалай сёлешгин?

Кергелен
САЛАМ !
Иги болурса, Аллах айтса.

Барс Элни биринчи съезди 24 сентябрда, мени туугъан кюнюм 25 де.
Аллах былай нек этди деб, сормайма.....
Къууанчда тюбешейик!

Аллахха шукур!

Тамбла, Аллах айтса, Барс Элни къууанчында бу Алгъыш да айтылыр.

481 ? 316

Джетди да заман, къууанч этебиз.
Къууанч джетди да - боза ичебиз.

Сыйлы джамагъат, къулакъ ийигиз.
Алгъыш сёзюме - амин ? дечигиз.

Аллах эштсин деб, алай башлайым
Кёлюм джарыкъды, таукел айтайым.

Адет бла Намыс ? эм уллу байлыкъ.
Тау адет, тюлдю, бу дуния зарлыкъ

Кёкде къууансанг джерни унутма
Харам джумушха кесинги сукъма.

Алгъыш тилесенг кеси джанынга
Аны да, тедже, башсыз джарлыгъа.

Энгиш сюремге бек къаты чабма
Кириш сюремге базынмай барма.

Къаргъыш кёзлюню кёзюне кирме.
Кёлю джаманны, тюшге да, ийме.

Сыйсыз ашама, сыйсыз ач болма.
Ашны халалын, итге да, къойма.

Джашау къурашдыр ананг сюйгенча
Толсун муратынг - кесинг кёргенча.

Къартлыкъ аллына чарпымай джетгин
Туудукъ болгъан да муну тилесин.

Джарлы хоншунгу джашлары болсун
Бай хоншунга да, ырысхы, къонсун.

Болушмай эсенг, къаджау да болма.
Отха ? бузгъа да, атлан, сен, онг бла.

Алгъан затынгы - къайтар алгъаракъ
Берген затынгы - джокъла артдаракъ.

Къайгъы къозгъама ? ырджы юлешме.
Юйю кюнсюз бла чырт да кюрешме.

Муртат юзюк бла тенг-джау да болма.
Малын ? итин да къатынга къойма.

Джолгъа уа, алан, асыл бла атлан.
Сукъланыу эсе, акъылгъа сукълан.

Джашау ? джашауду, аманды деме
Джууукъса - деб да, чына тиреме.

Джаман адамгъа, джашау хал аман.
Халал ашагъан, тарыкъмаз андан.

Джаны джоргъалы - кёбню чабады
Топал джанлы уа - джолда къалады.

Чыныгъыу - эсе, игиден чыныкъ
Сылыкъ юретген къуру сылыкълыкъ.

Эшек ? эшекди, джаухар нал урма
Тебси къурама джаман бла джут бла.

Джанынг тинленсин иги джумуш бла.
Къабыр да къазма тили уулу бла.

Насыб къалагъа джол ышан кёбдю.
Къайсы джолгъа да керек зат ётдю.

Джарыкъ муратха да тёзюмдю элтген.
Кёкню ? джерни да тёзюмдю тешген.

Ачха да, халал, джоя билгеннге,
Саугъа - сакъатха юлюш этгеннге.

Джашагъан инсан - ёлген да этер
Бизге берилген бизге да джетер.

Аллах бергеннге бойну салайыкъ
Джюрек ичлени дин бла джасайыкъ.

Алгъыш сёзюме ? амин ? дечигиз.
Хай да, аланла, къууанч этчигиз !

Бир кёб тюбейик джарыкъ кюнлеге
Насыб кёб келсин таулу юйлеге!

Сёзюмден эсе, сиз, кёб джашагъыз!
Джарыкъды кёк да, ёрге къарагъыз.

Барынга да - ИГИЛИК !

Къууанч хапар сакълайма.

ШАТ
Хар не да табды, Сапар. Тюбешиуню ётдюрдюк, миллетге хапар айтдыкъ, хапаргъа тынгыладыкъ, октябрь айны сегизинде Нальчикде ётдюребиз джангы тюбешиу, Аллах айтса.
По-подробней сам жду, видео покажет.)

Папин Южак
Тюбешиуню ётдюрдюк, миллетге хапар айтдыкъ, хапаргъа тынгыладыкъ, октябрь айны сегизинде Нальчикде ётдюребиз джангы тюбешиу, Аллах айтса. - АМИН АЛЛАХ!!!

ШАТ
Кёб джаша, кёб къуан, джарсыма ёмюрде, алан!

Эринмегиз, ёрге къобугъуз, иш кёбдю алкъа.


НАСЫБЫМА КЪАРАЧАЙ ДЕБ АТАДЫМ

132

Лайпанланы Билалгъа

Джангур кече джыр келмейин тели эсге,
Мадар болмай сукъланыргъа мен айгъа,
Кирпиклени салгъанем да бирин бирге,
Мен миннгенем къуш къанатлы бир тайгъа.

Кийиннгеним бурундача: чепкен, къама,
Джерими да хар кереги алтындан.
Тыймаз эди, сагъыш ётмез, сослан къая,
Ёхтем эдим кесим кибик алтыдан.

Джети кёкден джети кере мийик джерде,
Анда ай да, тура болуб, ышара,
Бир чегетден менге ургъан джашил джелде,
Келе элле ууакъ ташла къызара.

Ийнанмайын, мен тийдим да къызыл ташха,
Исси эди,- исси сагъыш этдирди.
Башха кёкде джурт излеген арсар джашха,
Олсагъатдан адам таууш эштилди.

Тебредим да, тохтадыла учхан ташла,
Джашил джел да, тюшде кибик, тас болду.
Келди ауаз: ?Чыртда къоркъма, атла, атла,-
Ызынданда,- о кимсе??- деб ол сорду.

Уйюб элле къызыл ташла хауа юсде,
Къулакъла да ай джарыкъдан бугъунуб.
Бара эдим, сагъыш басыб, бир акъ тюзде,
Джюрегим да табаныма сугъулуб.

Чегет ичге, бир талагъа, элтди мени
Эки джаны гюлден толу бир джолчукъ.
Уллу къама, къызыл къама алды эсни
Бёрю эдим, болуб къалдым къозучукъ.

Ол къама да сорду меннге гыбыр халда:
?Нек кетдинг?- деб-джуртну къоюб тышына?
Орун джокъмуд джашар ючю алай анда.
Къарачайны уланына, къызына?

Къарча Къама, ёлмез Къама - ма ол менме!
Атагъыз да сослан ташлы къаладад
Кюч джаны бла, алгъын кибик, мен юч элме.
Юч элни да адамлыгъы Къарчадад?.

Боркъулдайды къама аууз, джанад отлай,
Мен а, аллай, джелсиз кече бир хауа.
Сюйгеними болсун чоту менде чотлай,
Джюрегиме бурунладан эс джауа.

Къушну озгъан, къуш къанатлы тири тайым,
Ол да ийгенд джылан башын энишге.
Былай деб да джашырмайын мен айтайым,
Мыдах эди, чыкъмаз кибик эришге.

Кёлюндеча джаншаб тургъан джаншакъ макъа,
Хар элчича, мен да аллай элимде,
Ой, анда уа, Къама сёзю, мен омакъгъа
Сёз айтыргъа джан къоймайды тилимде.

Чыкъгъанымы аламгъа уа не муратда
Айтды Къама, окъугъанча ангымы,
Кесими да андан кёрдюм кенг арбазда,
Махтады да Къарачайны ? джанымы.

?Сюйгенле да, сюймеген да болуб эрши,
Сен келгенсе джандет джуртдан, тауладан.
Таулу къызны бир да болма ма сен эри,
Къаллай эрсе къоркъа эсенг джашаудан.

Бек мийикде, бек узакъда, башха Джерде
Къарачай деб, кърал бард деб, келгенсе.
Туралла деб, джашы, къарты бары тёрде,
Сен тюшюнгде аллай затла кёргенсе.

Бурунланы, бек сюйесе, джокъду сёзюм,
Санынгда да дертлик къанынг ойнайды.
Таныгъанды, кёрюр ? кёрмез сени кёзюм,
Миллет ёсюм джюрегинги къыйнайды.

Джюрегингде барды сени таулу ышан,
Къарамынг а, садакъ огъу джауунга.
Тыялмазчад атламынгы ахыр заман,
Минерчаса ата джуртну таууна.
-3-
Сен келгенсе Къарачай деб кърал излей
Кенг шахарла, уллу элле хар къайда.
Чанчылырмы джокъду джууаб джити мизлей,
Сюйсенг джыла, сюйсенг айт сен орайда.

Сеничала кёб болсала алгъаракъда,
Джюзер элле душман къанда душманла.
Болушлукъ да болмады да артдаракъда
Арыдыла Карчада да ол къолла.

Бурунланы, къозгъамайыкъ, энди, аны,
Къарча эштсе мыдах къанны аллыкъыды,
Миллетине джарыкъ себген джулдуз джаны
Кёрюннгеннге къара кюртле саллыкъды.

Мугаллыкъгъа башны ийген, учхан тайым,
Анда айгъа джити къараб кишнеди.
О, Къарачай, джангы джылда джангы айым,
Санларымы тансыкъ ауруу кючледи.

Билалмайма не болгъанын, тобукъландым,
Къарча сёзден къарыу алды джюрегим,
Узакъдагъы Ата джуртха мен сукъландым,
Джауларын да келген эди эзерим.

Къоллумдаед белимдеги джити къамам,
Урушхача, тутуб эдим сабындан,
Джууаш болду, джер джутарыкъ, гыбыр къарам,
Узалгъанлай бир кючлю къол сыртымдан.

Кёралмадым ма ол къолну мен ийесин,
Кючлю къол а туура эди кёзлеге.
Кертилигин аллай кюнню Тейри берсин,
Тынгылалла къулакъларым сёзлеге.

Эски джуртдан къонакъ болгъан, таулу улан,
Сагъышынгы, муратынгы сезгенме.
Тайынг сени болуб эсе къушлай учхан,
Къайт джуртунга, ма, къолуму бергенме.

Табайым деб, Къарачай деб, уллу къырал
Сен чыкъгъанса мийик кекню башына,
Мындан ары джукъ да джокъду, хайда къурал,
Бар да джаблан тауларынгы ташына.

Тауларынгдан сен эштирсе кёб осият:
Къарачай деб, Къарачай деб хар сёзден.
Бу сёзю бла Къарча акканг сёзюн къояд.
Аджаштырма Къарачайны сен кёзден.

Бошланнганлай къолум мени тутхан къолдан,
Аз айтды деб, терк къарасам, ёпкелеб,
Мен къайтыбма мийик кёкден. узакъ джолдан,
Мен турама къой джатмада чёгелеб.

Тюрленмейин джанад энтда арбаз чыракъ,
Кёзюм кёрген, къойгъанымча, ма, алай,
Къарачайым болгъанды да харбуз таракъ,
Мен турама къабыб къоймай, ма джалай.

Шууулдайды, тохтамайды джайгъы джангъур,
Суу анасы ийе болгъанд элиме.
Джюрегимден джокъ да болду сагъыш джауур,
Урад сабыр джыр аязчыкъ бетиме.

Къызаргъанды Къарча тутхан сууукъ къолум,
Джашаууму джашау этди бу джазуу.
Къартлыкъгъа да, ёлюмге да узакъ джолум
Сууукъ болмаз, менде туруб бу джылыу.

Бу джылыу бла бир джыр джазсам, кире барыб,
Кюч этерча сууукълукъгъа, боранга,
Къууанырча мыдах адам, джюрек алыб,
Сау бол дерча эртден, ингир ол манга.

Кеси джангыз къалды менсиз къургъакъ джатма
Мен джангурда, къууанчым да кёлюмде,
Къайтарама джерге къараб: тели джашма,
Кетмезме деб ма бу джерден ёмюрде.

Джибисем да кеталмайма таш арбаздан,
Отоуум да чакъырады джазаргъа,
Мен тилейме, кетмейик деб, хар бир джандан.
Бард чурум деб, ма бу джерде джашаргъа.

-5-
Джерге тийиб, мен кетгенме терен серге,
Къатышханма бурунлагъа - тубаннга,
Къууанчлыма тийгенимден мылы джерге.
Тийиген кибик бир дин ахлу къураннгъа.

Насыбымы къайдагъысын, билмей атын,
Мен кёкледе бир кёб джерде айландым.
Табдым энди, ма бу джуртду, ма насыбым.
Насыбыма Къарачай деб атадым.

1985 дж. Сентябрь 3 том

Аллахха Шукур, огъурлу СЕНТЯБРЬ болду !!!

Хайыр хапар!!!

Папин Южак

ШАТ

Хар не да табды, Сапар. Тюбешиуню ётдюрдюк, миллетге хапар айтдыкъ, хапаргъа тынгыладыкъ, октябрь айны сегизинде Нальчикде ётдюребиз джангы тюбешиу, Аллах айтса.
По-подробней сам жду, видео покажет.)

Нальчикде БАРС ЭЛНИ хакъындан боллукъ джыйылыу мийик дараджада ётерине сёз джокъду.

Алай а, джамагъат, сагъышлыма бу затха;

Саут - сабамы алайым,
Гитарамбламы барайым ?



Эсен кёрюшейик !