В пятницу, 26 апреля идем в гости к Руководителю Русского театра драмы и комедии КЧР, Народному артисту России Хасану Биджиеву!

Уважаемые форумчане, задавайте свои вопросы Ждем! Ждем! Ждем!


К сожалению, в пятницу не получается Встречу перенесли на несколько дней. Может это и к лучшему, будет побольше вопросов

Хасан къарнашым, салам алейкум!

Кърал джанындан эртде бериллик атла, энди бериле турадыла сеннге. Сени фахму дараджангы уа халкъ бек эртдеден биледи - сахнада кёрюннгенингден бери. ГИТИС-де къарачай студияны тамадасы Козыреваны сёзлери да эсимде къалыб кетгендиле: "Хасанча фахмула кёб санлы орус халкъда да аздыла. "Кёбню насыбы да кёб" дегенлери да тюз болур, алай а фахму - миллетни санына кёре тюлдю. Аз санлы Кавказ халкълада не джаны бла да кёб фахму чыкъгъаны анга шагъатды. Хасанны уа, фахмудан бай Кавказда да, орну энчиди. Бу окъуй тургъан джаш тёлю, аны тёгерегине джыйылыб, сахнада уллу джетишимле этерсиз деб, ышанама".

Бу джазыуланы эски дефтеримде къарай келиб табханма - ол кёзюуде Хасан Баш режиссер курслада окъуй тура эди Москвада, мен а Ана тил бла адабиятдан дерс бере эдим. Узун сёзню къысхасы - Хасан, Аллах санга саулукъ берсин, къалгъан а сенде озуб да барды.

Энди бир-эки соруу:

1.Тилибиз, иги адетлерибиз да седиреб кетиб барадыла. Театр аланы сакълар джаны бла джукъ эталамыды? Сени кёлюнге келгенден - не этерге боллукъ эди, не тыйгъычла бардыла?

2.Къарачай театрдан, окъуб келгенлени кёбюсю кетиб къалгъандыла деб, эшитеме. Алаймыды? Алай эсе, ол проблеманы джабар ючюн не амалла бардыла?

3.Бир уллу зат нек салынмайды къарачай театрда - миллет пьесаларыбызмы джокъдула, сахначыларыбызмы джетишмейдиле?

4.Бюгюнню излемине келиширча, халкъ театргъа талпыб барыб, къууаныб къарар ючюн не этерге керекди?

5. Бизге халкъыбызны юсюнден фильмле керекдиле. Сёз ючюн "Къарча" деб бир филь салынса, бек уллу иш боллукъ эди. Бизде аллай фильм саллаллыкъ сенден сора адам да болмаз. Ол джанына сагъыш этемисе?

Сен орус театрны тамадасы болгъанынгы билсем да, кесибизни сахнаны юсюнден сормай болалмадым.
Аллах кюч, онг берсин, Хасан, джашау салгъан соруулагъа сен джууаб эте барырча. Аллахха аманат бол.

Лайпанланы Билал

Хасаннга дагъыда бир соруу:

Орус театрны репертуары къаллайды? Къарачай-малкъар драматургланы джукълары салынамыды? Францияда Ёлмезланы Мурадинни бир драмасы (аты "Кровь и пепел") уллу багъа берилиб, китаб болуб чыкъгъанды. Аны Парижде сала айланалла деб эшитген эдим. "Гошаях Бийче" пьесасы да тюрк халкълада белгилиди. Ала бла шагъыреймисиз? Халкъыбызны бюгюннгю проблемалырындан да бир джазгъаны, къралны бир-бир джерлеринде сахнагъа чыгъа башлагъанды. Мен билмеген иги драматургла дагъыда болурла халкъыбызда. Алагъа эс бёлюнемиди?

Девушка Гор,

видеобериу эталсагъыз да бир кёрюрсюз. Соруула болсала-болмасала да, Хасан кёб сейир хапар айтыргъа боллукъду.

Цитата
Sabr пишет: видеобериу эталсагъыз да бир кёрюрсюз

Игитда этебиз. Аны ючюн барабыз. Алай а, бюгюн баралмайбыз. Хасан эки-юч кюнню республикадан тышында боллугъу себебли, тюбешиуню эндиги ыйыкъгъа кёчюргенбиз